分手說愛你











星期二去咗睇 - 「分手說愛你」呢套戲,同行還有兩位朋友,其中一個問:「點解你地會睇呢套戲嘅?」但我聽到後,沒有回應一句,因為我唔知道應該答咩,又或者我應該答:「睇呢套戲,有咩問題?」

一開片見到房祖明出現,心諗:「吓!?乜唔係西片黎架咩?呀.....」原來我攪錯咗一套叫「PS I love you」嘅戲(但呢套都上咗成年幾喎!?),結果,當然繼續睇啦!雖然我對兩位主角印象麻麻地,不過用睇戲嘅角度,佢地又做得幾好嘅,幾自然(真情侶更自然啦);當然戲中有部份天馬行空,脫離真實,又誇張就唔好講,不過故事就係因為咁堆堆砌砌得黎又幾好笑,故事結尾機場的一幕也有一點感人,最後嘅「真人Show」結尾橋段都交代得唔錯。

原來係戲中取景嘅地方就正正係上星期六我去過的中上環,所以戲中嘅景點都熟口熟面,特別係薜凱琪坐係街上嘅木櫈一幕,就正正係我中上環張黑白相嘅同一地方。最後,都想知道電影其實點定三級制呢?呢套係都幾多粗口,都只係2B,係我停留在係我細過時嘅年代,定係而家放寬咗?

2 comments:

naruto said...

以為係ps.I love you, 好野,真係好野

l.minor said...

最近有d思覺失調...所以先會咁好野...