葉問前傳



















之前聽到呢套戲唔係太好睇,我自己諗會唔會d人太主觀呢?用「全宇宙最好打嘅葉問」去同前傳比較呢?結果睇完套戲後,我都覺得真係唔掂。

首先,我點解想睇套「前傳」呢?就係因為杜宇航都係一個打得之人,再加上佢都係詠春弟子,所以應該好睇掛,又會有葉準客串下,不過結果係非常之失望。點解套野會唔好睇呢?如果我知道導演係邱禮濤,應該唔會睇;第二,請問呢套戲邊個係美術指導呢?好唔掂喎!第三,杜宇航把聲咁奇怪,點解唔搵配音?係邊個問題?第四,杜宇航個樣其實怪怪地,仲要做主角,唉~~拍攝嘅角度可唔可以就下呢?反而之前做嘍囉嘅角色個樣反而好得多;第五,其實呢套戲係咩片種呢?點解會有咁多爛Gag?

一套好嘅戲,導演真係好重要,拍到咁嘅水準,都可以收貨,邱導演!你係得嘅!

2 comments:

naruto said...

有爛gag架?可能啱我睇喎

l.minor said...

真係幾爛架喎!到時睇完唔好介櫈喎!