香港仔閒遊

香港仔呢個地方,你去過幾多次呢?對於我黎講,認真逗留係香港仔周圍行下、食下野,上星期應該係第一次,以前去香港仔都係因為返暑假工。

原來係香港都可以好似去旅行咁,就係去到一個完全陌生地方,跟住要去搵車搭,巳經好有去旅行feel,就好似由黃竹坑去香港仔,搵車搭都攪咗陣,唔好話我無錢去旅行就用呢個借口來安慰自己,其實去到香港仔、黃竹坑,我真係完全係一個路盲。

去香港仔做咩呢?無乜特別架!食野啦!行下啦!再加上銅鑼灣有71遊行,所以唔想去銅鑼灣,因為上兩星期俾個「政改做勢大遊行」攪到我由中環去灣仔用咗個半鐘,再由灣仔慢溜去將軍澳用多個半鐘,結果用咗三個鐘坐呢程巴士,時間足夠去日本。另外去香港仔海旁(好似叫香港仔海濱公園)都可以睇下日落,一路行就有船家問你去唔去遊船河,其實係遊船河定食海鮮呀?唔食就掟我地落海果隻!?













南記你聽過,香港仔魚旦又聽過,有冇聽過謝記山窿魚旦?食過你就知幾好味!!!






























門面幾懷舊,所以真係老字號












再行前去街頭,有間叫大佳B甜品,食完魚旦粉,整番個都唔錯,呢間甜品同元朗B仔係冇關係。























呢張係用iphone係香港仔海濱公園影嘅日落,本來想等多陣睇下有冇magic,不過等下等下都巳經成7點

7 comments:

naruto said...

山窿魚旦一般啦,香港仔好多間嘅魚蛋其實都好過佢架

l.minor said...

naruto:
原來你係香港仔魚旦王!我呢d無食過正野,食到d未食過嘅野就巳為發現新大陸...

naruto said...

其實都係住喺香港仔嘅人講我知架咋!

kateyip said...

E !!! 我 7.1 都去左山窿食魚旦粉喎~~~好多人架!
見到 blog 主張相, 吸左我入黎~~~~ :p

l.minor said...

kateyip:

你好~

7.1果日我去到都5點,你呢?果日可能見過面都唔出奇!

多謝你光臨! 有機會都黎踩下場!!! 多多指教~

kateyip said...

我 2點幾去到, 3點幾走左 lu~
我去一次好遠架~

一定會再黎你個 blog 討教~~ ^^

l.minor said...

kateyip:
多謝!多謝!