上網買賣



















最近自己忙於工作外,攪到無時間寫blog,另一方面又要預備旅行的資料,除左呢兩樣野外,近來在Internet賣了自己的第一件的得獎禮物,又在Internet上搵有需要的東西買,發覺上網買賣巳經成為香港人的一部份。

首先,我上網賣走係一部最新的Diane F+,呢部相機其實係之前的「無黎頭影相比賽」獎品,雖然知道係新機,但因為某d原因,以為部機無保養,所以放咗上網一星期後之後,見有人想要,就平咗俾人咁賣出去,結果到賣主check機時,保養書同買機張單,就「飄番出黎」,結果,佢就買到好野,我就喊住咁走...

至於,上網「搵心頭好」買,都睇咗一段時間,又要諗下賣家信唔信得過,差唔多嘅野又鬼咁多,又要問下賣家有冇貨架之類,So far個賣家都幾好,都施施文文。

其實上網買賣真係越來越多人做,每逢放工係地鐵站口,一定見到d人係度交收,有相機、電腦、鏡頭、袋、模型,真係應有盡有,賣電腦、相機之類的貴價電子產品通常都係自己用開,想用一個靚嘅價錢放出去,但那些「職業賣家」,其實真係唔知佢地係邊度搵到咁多平貨,再係網上放售;曾經有一位舊同學,都試過part time上網買賣,佢話一個月都賺到幾千蚊,聽完後我覺得難以置信。

註:張相嘅錢就係上網賣野嘅錢,巳經用哂...

2 comments:

naruto said...

哇!影相影到有獎品呀!

l.minor said...

naruto:
個比賽得幾條友參加,先有得攞個安慰獎咁囉.