香港最想去的十個地方(上)



















(當年用DC攝於白泥)

2010年都過咗半年,上半年都好似冇咩地方去過,所以自己係度組織下,寫下係香港最想去的十個地方,睇下呢半年可以去到幾多個。

第十位 – 沙頭角
細細過時去過,其實係點,真係冇咩印象,淨係知道有條叫「中英街」,香港人行過去「中界」那邊就冇問題,如果大陸人行過黎香港呢邊,靠聞俾公安發現,就會即刻用搶射佢地!講笑姐,唔好咁認真,不過會俾公安炳番過去咁姐,唔知而家重係唔係,因為佢地過黎都冇咩So。

第九位 - 坪洲
咁大過人都未去過坪洲,所以想去睇下點嘅樣,唔知會唔會有d特色野食架呢?唔係淨係得咸魚睇下話?

第八位 - 白泥
之前都去過三、四次,大部份都係跟車友去,有次就自己搭西鐵再轉的士,重記得果日天氣唔係太好,再加上潮漲,所以落唔到去泥灘。去白泥其實又要夾天氣,又要睇潮汐,其實都幾麻煩,而且交通非常不便(自己抯車可能重麻煩),不過如果遇到天氣好,都係值得的,我見過人用魚眼鏡拍日落嘅video,真係靚到Dum一聲。

第七位 - 海下
呢個地方係我以前讀書時,每年必去露營嘅地方,重要係四月清明節,雖然係清明節係山邊訓,不過一d都唔恐怖嘅,有海、有沙灘、重有超正嘅景,真係去坐下,就巳經差滿電咁!呢個地方真係週日必去嘅好地方。另外,去呢度交通又唔算唔方面,而講咗幾年嘅海岸公園又好似開成咗,有時間可以去睇下。

第六位 - 南丫島風車
南丫島就去過好多次,不過都未正式去過南丫島個風車個位,不過去南丫島又要避開星期六、日去,唔係就多人到爆。又或者當去行下山,休息下都唔錯嘅。

3 comments:

卡臣 said...

我去過坪州
好舒閒架
交通又方便
搵日吖

l.minor said...

卡臣:
咁真係要搵日去Hea下先,唔係吹水,真架!2010年下半年必到地方!

naruto said...

7,10我都未去過喎,影多D靚相啦