墾丁、高雄旅行巳完成

墾丁高雄旅行巳完成,不過天氣就麻麻地,第一日天氣都重叫OK,第二日朝早初時天氣都重算好好地,一落樓去買野食就落雨,好在「總有一間係左近」,7仔就係樓下隔離,買野食都唔洗淋雨。

通常一落雨,就冇咩心機影相,而且今個trip d相又真係影得麻麻地,唉~~天氣弄人,技術又唔掂,唯有下次再去過啦!

今個trip係第一次係外地抯車,重要抯電單車,果然咁耐冇抯,技術都生疏哂,連撻車都唔記得咗點撻!?要叫阿姐出黎教我撻著佢(其實我當私家車咁撻,所以撻來撻去都撻唔著)!真係樣衰到爆!

另外,最想提嘅就係高雄機場,點解過咗關,等入閘時,係登機處完全搵唔到一間食肆?見有人買咗杯麵入黎食食食,而自己就無談好食...只怪今次做research做得唔夠。

重有原先定咗一d地方要去,有d野要做,最後都做唔到,唯有下次啦,可能墾丁、高雄太想我地返去玩啦!

4 comments:

卡臣 said...

咁少相呀?
快啲post返啲

l.minor said...

卡臣:
整僅架拿,寫僅架拿!

naruto said...

快D呀,我無耐性呀

l.minor said...

naruto:
快架拿!今晚有架拿!