墾丁の阿哥之家の二


「屈下屈下巳屈到」了恆春,而「屈蛇團」的前邊六位團人原來係訂咗恆春古城附近嘅民宿,所以佢地先行下落車;與他們說聲再見,檳榔司機叔叔又再開車,太約再用20分鐘的車程,就到咗我地預訂嘅民宿——「阿哥之家」。

由原先預訂,到訂了後都諗會唔會有再正d嘅民宿呢?好似其他民宿重正喎?不過當見到「阿哥之家」後,就發覺今次無錯啦!「阿哥之家」完全係一間「又實又華」嘅民宿,有超正海景,左邊係船帆石,右邊係海灘,而下邊隔離就係「7仔」,而這間「7仔」與「阿哥之家」的關係又非常密切,應該都是「一家人」啦!而這間「7仔」係我地第二日主要嘅食物「來源地」,因為...都係睇相先...
 未開簾,黑媽媽
 一開簾,光哂!
 拉開上邊,重有天窗,好天可以對住月光沖涼
由室內望出去個露台
對住個海,左邊係船帆石
露台全景
房間都好整齊

由於巳開始肚餓,係「7仔」充饑後,就要開始去攪租車;數數手指,原來巳有兩年無抯「機車」,無論「阿哥」的主持人,又或者係機車店的主持人(其實佢都係另一間民宿的主持人),都不約而同問了我數百次是否租「電動車」?有沒有「國際牌」?是否懂得「騎」?可能之前太多香港人出事,所以他們都想小心行事,一架「機車」的價錢事小,一條人命係無價的,呢個係我從佢地眼裡睇得出的,真的無誇張、誇大、失實...CCTVX記者l.minor實地報導...


主持人介紹了咗幾款車同價錢,就走番去屋入邊,由得我自己慢慢睇,再問下租車兩日價錢覺得合理(其實我知道有d再平,但問題係要行番去墾丁大街租,呢度行去要20-30分鐘囉!),就開始試車;
租機車店門外(當時我諗:雖然我唔係要咩特別車,不過唔係呢d吓話...)

而她對著我的國際車牌講:「我都不知道寫什麼,你拿回去啦!在這裡簽名便是了!」

我心想:「早講吖!~早知$80都慳番啦!」

其實佢地好多野都講過信字,之前載我地黎個墾丁司機,送到我地到民宿時,就問我車費之前話收幾多?我話350一位,然後就俾錢,佢就幫手拿行李(不過,如果我同佢講250一位,佢會唔會同我講你欠打嗎?又或者同我講ByeBye,250唔包行李?)定係我想得人間太美好?

我試車嘅同時,主持人又睇住我試「騎」,佢都可能怕我跌爛佢架車,所以點都要睇睇,結果過咗關!Yeah!
 帶咗個「椰殼」,好似光頭咁,呢個殼係老闆娘幫我帶架

正要開始出發,我...唔記得咗點撻車(之前係佢撻著架車)!?因為我用撻私家車的方法撻車(即扭匙),跟住都要搵個阿姐出黎幫手,教我撻一次車,果一刻我怕佢唔租俾我,車都唔識撻,真的會「騎」?最後,佢當然沒收番架車,咁就ByeBye啦!兩日後先還車啦!

因為租車係唔包油,所以要去入油先,問過租車老闆,墾丁油站只有一間,就是一直向前行,右手邊會見到一間麥當勞,跟著便是油站,不過我的(火羅)事又發生了...

油站(火羅)事

油站青年職員:「先生你好~要入那隻呢?」
我:「最便宜的那隻便是了!」(最平應該是油渣,應該唔會入咗油渣掛?)
油站青年職員:「好的!那是否要入滿啊?」
我:「對呀!但我不知道怎樣開油缸,你幫我可以嗎?」
油站青年職員:「沒問題!」

你覺得(火羅)唔(火羅)呢?果一刻我想張自己變細...

(火羅)完後,油站職員巳經幫我「打爆」咗油缸,成缸打爆都係NT$122,即計番都係HK$30.5,天呀!真係太幸福!

(註:上篇寫到不論不類,都係用番口語化寫blog會好d)

8 comments:

卡臣 said...

嘩!
間屋靚到不得了!!

唔火羅呀
我又唔係車主!

naruto said...

墾可民宿真係花多眼亂,你呢間海景一流呀

l.minor said...

卡臣:
冇辦法,我面皮薄

naruto:
係呀,由墾丁大街到船帆石,多到呢~

Maisy said...

魚眼看世界,有另一種趣味,影得好靚。

駭然發現敝博出現在side bar之列,很意外呢。

l.minor said...

Maisy:
我影相其實還在初哥的摸索階段,得到妳的讚賞,真的十分開心!thx!

還記得在最初寫blog時,巳收錄了妳的blog,很欣賞妳寫的文章,也很欣賞妳影的相片!

Maisy said...

客氣客氣,我影相比你更初哥呢。

Maisiy said...

啊,你都有去麥Sir個blog?

l.minor said...

Maisy:

妳真客氣呀!

至於麥sir個blog,說來話長,我是麥sir籃球場上的學生,之前見到你們沒聯絡多年卻在blog中相遇,就是由那時開始,便有定期到妳的blog了