墾丁の與關山失約の三

下一站...後壁湖

無計過時間去後壁湖要幾耐,當日只顧睇路牌(其實都冇咩路牌),風景都冇咩特別留意,只顧抯好架車(渣架100cc有幾難呢?),去後壁湖主要目的就係食超平魚生,100蚊台幣有20塊厚切魚生,其實當中唔只20塊,食咗幾塊都仍多過20塊,其實d魚生味道都唔錯,不過環境就一般啦!唔係個個頂得住,不過我地食完又冇肚痛,應該OK嘅!
用番隻手同隻碟做比例,啲魚生真係幾大舊

原先下一站係去關山睇日落,可惜天氣麻麻地,所以決定聽日有時間先去,就係呢個決定就要下次先再去到關山啦!又係因為...

唔去關山...就係後壁湖海邊玩咗陣,
佢話係海喎...
個幾枝風車,好似係後壁湖遊艇會入邊,而果日個天色麻麻地呀 
而另一邊,就有人收拾水上電單車
黎番個黃飛鴻式跳躍

影下相,吹下風,唔好俾時間、景點拖住,先係我想去旅行嘅方式,去旅行都係想休息下,係咁追景點「到此一遊」,重辛苦過返工,為乜?

經過咗渣車去後壁湖一段路,自己渣車都放咗,偶途都有睇下風景,正值黃昏時間,雖然「咸旦王」欠奉,但天色都幾靚,有段路好想停低,就咁「劈」架車係一邊,影陣相先,因為個段路嘅樹呀,真係一流,好鬼靚!實物就影唔到,不過都重係個腦度,實物唯有等下次啦!

 差唔多去到恆春古城時,見到嘅天色

恆春「月光咖啡」

恆春有間叫「一杯咖啡」好似好出名,不過我地就冇試,返而去咗一間叫「月光咖啡」,見無人幫襯,都有d爭紮入唔入去...

坐低後老闆送上自制的餐牌,由於之前嘅「後壁魚生」仍未消化,所以只叫了兩杯咖啡,味道卻是出奇地好!濃濃嘅凍咖啡,唔會凍到心寒果隻,而老闆又唔會因為我地只叫兩杯咖啡,求其了事便算,認真程度就好似整「穿梭機」一樣,真係要俾個讚佢!
月光咖啡的卡布奇諾
老闆在外邊與老顧客傾談
 
我地係咖啡店休息嘅同時,又有另一家人在門外,與老闆傾談,隔一陣就入咗黎叫食野,又見老闆好認真去整咖啡同小食,真係超讚!
月光咖啡的門面

出火?有得睇 無得玩

有人睇完我原先個schedule,問:「出火?出咩野火?」跟住在喪笑...當然我用了十萬分誠懇去解釋出火到底是什麼回事。
睇番網上提供的資料,去出火呢個地方,由恆春古城東門行去只係九百幾米,我地信以為真,想用兩對腳行去,好在還是回頭是岸,渣機車上去啦!行上去真係對唔住自己!

出火外邊有個停車場,由恆春東門直去,左手邊便找到,而外邊有間小賣部,係賣煙火、爆谷,而要去睇出火,就要係停車場右手邊的樓梯住下走,跟住用耳朵去聽最噪炒的方向去,就是了!因為大家正在放煙花,燒爆谷,不過我正想走回小賣部買煙花熱鬧一下的同時,警察就來了,不準大家在鐵圈的範圍內玩,好在我也帶備了電筒來玩light painting,不過由於電筒太光,over了。
出火嘅石堆
寫呀~
忍者呀!
我又寫呀!

出火除了出火有名外,亦都是觀星的好地方,其實還有其他的地方更好(好似叫龍盤定龍潭,但我沒有深究,因為兩個人去,都要顧下自身安全,瓜咗都無人知就唔好啦!),上次去零光害的地方巳忘記在那裡,不過今次再見到,既興奮,又珍惜。

由於時間關係,還要到墾丁大街食野及行街,但由於太早起身的關係,在墾丁大街走了一小段便想回民宿休息,跟著便帶著街邊小吃回民宿。
  好似話:這些全要!
偷影時,俾人發現咗!
d姑雖然樣唔係咁好睇,不過炸出黎又幾好食
最後整番張月黑風高(麻煩唔好送上下聯)

10 comments:

naruto said...

天色就咁睇好似都幾靚呀!

出火你揸車去就OK囉,我用腳行,沿路兩旁你有無見到係乜?

l.minor said...

呢個只係第一日渣...

第二日就....

我~~知~~你~~講~~咩~~呀~~

我~~見~~到~~呀!幾~~個~~呀!!!

其實之前上網搵資料,都知兩旁有...

我去到出火,就同我同伴講有好多野係兩旁,佢話你唔洗同我講囉!我見唔到呀!你唔講我唔知囉!!!

不過咁,如果我唔講,佢自己見到,會唔會重驚?

重唔訓,重睇blog!我訓啦!(抄你琴晚架!)

卡臣 said...


無陰陽眼都睇到?
反而好想知見到乜呀!

如果用光寫字
我一定寫: f_ _ _

啲魚生肥美到吖

l.minor said...

卡臣:
沿路兩邊都會見到先人安放嘅地方呀!

而我都會送你四個光字
fdfl
.
.
.
.
.
.
.
.
.
.
.
快d返黎!

Maisy  said...

未去過墾丁添,看來都好多地道食物,正啊。

l.minor said...

Maisy:
如果愛陽光海灘,愛看大自然,絕對值得去一去!休息,食野,影相一流!可惜我去幾日天氣麻麻地,第二至第四日落咗好耐雨,結果四日行程只影得六百多張相,第一日就影咗三百張

naruto said...

去到出火又唔覺好睇,超唔願用腳行番去,但無車...

卡臣 said...

FDFL

OK OK

ididwhatilike said...

你就好la 都叫做有藍天, 我去咁多日就落足咁多日

l.minor said...

ididwhatilike:

見你台北d相好天喎,今次唔好天,下次再去囉!