墾丁の落機の一

入台証、機票、國際牌、保險連機鐵車票都巳預備好,搭早上九點飛機出發去高雄的小港機場。今次巳用飛行里數換好了機鐵的車票,所以不用追巴士,時間會好預算一點,而且唔洗拉著行李到機場,所以兩手"fing fing"就可以搭機鐵。

到達機場見到旅客的人數,就知道係旅遊旺季,同上次新年旅行差唔多。而我一路擔心其中一個問題 — 腳架問題,最後都放咗入行李箱,費事煩!

在機場吃早餐時,見到上次去泰國的團友,不過正想向他們打招呼時,他們巳經走到了另一邊了,可能怕我又對住佢地嘔...

吃完早餐,時間尚早,再在機場影咗陣相,原來有大型飛行棋俾小朋友玩耍,及俾大朋友影相,不過,小朋友就欠奉...
 當飛行棋遇到飛機
呢個係我
呢個係佢
幻影高雄KA432班機
機場的一角
我們的飛機

第一個走上飛機,所以可以影下無人飛機相

前排看報紙,知道港龍與利苑合作,利苑會提供「新款中式美饌給香港往北京、上海所有客艙的乘客,以及香港往臺北、高雄航線的頭等艙、商務艙乘客」,所以這個又沒有我們的份,而港龍提供的餐點:


睇電影、搭飛機、坐車,我最怕有人頂住個座位,又或者在你後邊不停不停的「講野」,結果兩樣中哂!一個小時講足45分鐘,其餘的15分鐘是在進餐中。

吃完餐點及空姐們收餐,航程只淨下15分鐘,飛機上提供一小時的節目都睇唔完,就要預備落機了,香港到高雄,真係話咁快就到。

落機後,還見到我教會中的一個家庭,原來都是到墾丁旅遊,一家人一齊去旅行,真係最好不過的了。

辦入境手續時,收到接我們的司機電話,叫我們不用換錢,要換可與他換,還記得上月20號,收到一個台灣的電話,因為司機記錯了時間,打了給我,還問我到了沒有?初時我還替他有一點難過,會不會令他少賺兩個人的車費?不過,我相信我想得太多了,因為打給我的原來不是司機,其實是「扯皮條」來的,他自然有方法去填補我們的空缺, 我真是太天真了!

我們去墾丁的歡樂滿東華籌款車

由於我們不是包車,所以還要等其他的人一起到墾丁,同行還有六人,全是香港人(唔知佢地攪咩攪咗好耐先出黎),再加上我們二人,全車八人再加八人的行李,還有一個口含檳榔的肥司機,就像歡樂滿東華的表演一樣,我地一齊「壓入架車度」。
 呢位就係接載我們的司機(但坐係度果個並唔係我講的那個扯皮條)

這位司機的口音非常當地,還口含檳榔,而且說得快,聲音沈,最難捉摸的,是夾雜著其他口音,你不要當我是快譯通?

8 comments:

kateyip said...

有得玩, 真係梳乎~~~~~~

naruto said...

坐喺度果個,有個米奇迷彩喼,實係你啦

卡臣 said...

搭飛機....最怕
1)細佬喊,
2)坐肥人旁
3)前面橷成程(班)落嚟

naruto said...

樓上:
搭飛機。。。細”佬“喊,要叫空姐幫幫手啦

kateyip said...

樓上: 卡臣係鄉音重左 dd 啫~ 哈哈~~

l.minor said...

kateip:
都係休息下咁la

naruto:
你估下啦!

卡臣:
回程真係遇到細佬喊,嘩~~煩死

再樓上naruto:
唔好睇得太多AV喎~

樓上:
哈~初時以為naruto講正經, 會意唔到潻...哈哈

Dolphin Gloria said...

唔知我個細路會唔會喊呢!細佬仔,唔該你醒醒定定,唔好令我難造呀!粒幾鐘好快過架咋!!

l.minor said...

Dolphin:
諾怡諾天應該無問題嘅!

我地果程個細佬,未開機初時冇野,隔咗陣就喊,越喊越勁,越喊越大聲!!!跟住開機啦,可能有衝力又越來越快,嚇到佢唔識喊,跟住到架飛機穩定番又喊過...