坪洲無血有汗日落影 の「蝦多士」篇

還顧我的香港十個最想去的地方,坪洲應該比較容易去。之前係網上搵坪洲資料,不是小得可憐,就是超長久遠,而且大部份都說坪洲很細,兩、三個鐘便走完一圈。在網上找了一篇比較update的坪洲遊記及中原地圖印出來,做個參考,以防萬一。

正當出發的當天,早上一睇自己個blog,見到Maisy的blog正正之前到了坪洲影相,得到了她「新鮮」的坪洲資料,抄低了便開始出發。

坐上了慢船,只需35分鐘便到達坪洲;之前特意沒吃午餐,只吃了一點小食就上船,為的要有空間留給坪洲的「蝦多士」。而且「蝦多士」據稱是下午四點鐘關門,所以落船什麼也不理,就走到了坪洲平安街,去找尋「蝦多士」的真相。

吃 「蝦多士」的茶餐廳叫祺森冰室,一落船向右邊跟大路行,直到見到有間祠就轉右,跟住直走幾分鐘就會見到係左手邊,沿途會見到好多小商店、士多重有茶餐廳,感覺有d似以前的長洲(而家長洲重旺個旺角)。

祺森冰室其實坐位唔多,我地坐低就二話不說就叫蝦多士、炸豬排公仔麵,隔咗陣就「全院滿坐」。
咩野係1?其實係我地枱號

肥厚又金黃嘅蝦多士,見到都覺好味!

我:右邊個肥仔,唔係係裝裝下
右邊肥仔: 左邊位阿叔,唔好係度偷影喎!

又係蝦多士,感覺如何?

炸豬排公仔麵,豬排分開上

 呢舊野放咗係我隔離,咩野黎架呢?(下次開估)

 出邊個鐵閘,祺森”水”室

佢地個門口

其實我都攪唔清佢地收幾多點鐘,因為見openrice就寫16:00,不過我地走時,佢地都未有收鋪跡象。

地址:坪洲永安街3B地下

9 comments:

卡臣 said...

啲蝦多士睇到我口水流

竹品是筷子筒?

naruto said...

咁遲至出發嘅?

「蝦多士」真係好吸引,下次我都要試

“竹品”隔離三枱都無,得你有咋喎;我估係厠紙筒

l.minor said...

卡臣:

雖然蝦多士未致於要突登入去食,但入去坪洲,就真係唔可以錯過

竹品是...

naruto:

係呀!果朝其實要返工

如果入坪洲就真係要試下「蝦多士」,小心”錄”親個咀,新鮮即炸!

勁喎!睇哂咁多枱,不過...

Maisy said...

啊,我出發前都係睇過好多個網站,抄低左人地的路線,也是影印埋地圖及船期表,但無搵食店資料,去到亦都無食野,也無行橫街,原來蝦多士咁出名,個樣好似同以前見到的有些唔同,好肥大肉厚。

卡臣 said...

再估:
花盤?

l.minor said...

Maisy:
係呀!個蝦多士脹卜卜,我見到第一時間都覺得炸得唔錯!

卡臣:
唔洗訓呀!答案係...你中咗!!!

卡臣 said...

好嘢
俾我返兜中

昨夜sat night嘛
夜瞓點

Kin Yan said...

今年天氣還涼的時候,我也去了一趟坪洲

我好像也去過那間冰室,我記得之前佢地係門口賣tee,$20而已! 應該是工廠次貨,我也買了一件給小弟

喜歡坪洲,很有生活感^^

l.minor said...

Kin Yan:

如果想休息到離島走走,坪洲是一個好選擇