坪洲無血有汗日落影 の「暴曬影相」篇

食完「蝦多士」,就繼續向前行睇下有咩睇,原來一轉出去巳經係坪洲戲院,望下見到有指示牌去「手指山」,不過見時間尚早,所以係附近再行下影下
好似好清楚嘅指示牌
原來坪洲都有好多貓
 有訓覺嘅貓、有白色嘅貓、有影貓嘅人、有”柴”息煙頭嘅貓
 隻貓突然發功
發完功就走咗去
  再行前小小巳經到咗坪洲嘅東灣,水清唔清就唔知,不過沙就好似幾幼

 見到沙灘後邊又有間祠,本來想影下相,不過見d職員企哂係度,費事影完走過黎叫我潻香酒就麻煩,所以唔影。

 跟住行下行下又見到...
 龍舟 - 有繁榮龍、吉祥龍、如意龍、常盛龍同安定龍
 見有個阿婆係度坐,就順口問下佢點上 「手指山」,佢話:「唔好係沙灘呢邊上(我都知,其實我都係想問下個正確方向),好惡行呀!由公廁果邊上!」咁我地又行番出去,再問下坐係度透涼d叔叔,佢就叫我地直行入去村就係,其實行咗入村,都係半信半疑,因為其實都係睇唔見條路,咁又再問下坐係屋企門口透涼嘅婆婆,咁佢地又係話:「直去見到公廁,隔離條路上就係上手指山,幾百級之麻...」其實上手指山條路真係唔易搵,又或者我又真係唔想行錯路,所以問多幾次confirm下。
 呢班係其中一班我地問過嘅坪洲街坊

就係呢條路開始上去
行咗好耐都係呢d鈄路
見到呢條樓梯,即係話你巳經行啱路,全長352級
其實行咗陣,望下錶都巳經五點,不過個太陽都重係好勁;而行多咗陣,都重係行斜路,唔通行錯路?再行多兩步,見到三兮口,記得Maisy講過,最左邊果條就係「上山的路 」。

行到最後果五十幾級先記得數,一上到去就會見到鳳萍亭係右手邊
手指山的鳳萍亭
一對情侶影咗陣相就走了
遠望天岸海角亭
可以望到九龍的ICC,可能望到屋企潻
另一到又望到青馬
我好小影花草,學下人影先
陽光嘅反射
呢張相有「耶穌光」的出現,可惜影出黎唔明顯
日落相正式開始
當時山上嘅人,都有十幾個
日落
呢張相,我第二鍾意

呢張就係我最鍾意,因為我覺得好浪漫(兩條草一齊睇日落,重要俟住一齊...)
呢張第三鍾意,鍾意d顏色,鍾意個層次
飛機畫破長空
呢張係我地落到山,再去東灣睇下,又影多張傍晚青馬相
落到山再行番出去,都巳經八點幾,其實坪洲平安街重有鋪頭仔有開,不過我地巳經開始肚餓,所以都係出番去中環。

原本想POST張我當日件衫有幾濕嘅相,不過怕引起恐慌,都係唔POST。。。

上次問蝦多士餐廳,係我隔離果舊係乜野黎呢?答案係...
花盤 - 見好似幾靚,咪影下囉!咁啱我隔離就係窗台

12 comments:

卡臣 said...

啲相靚到吖
尢其係日落個幾張

原本想POST張我當日件衫有幾濕嘅相,不過怕引起恐慌,都係唔POST。。。
==> post 啦
就快選港男啦,熱吓身先

kateyip said...

d 相好靚呀 !!! 原來咁多高手 ...要多d學習至得 !

l.minor said...

卡臣:
Thanks!今次d相我都幾鍾意

唔得啦!郭富城之前個演唱會巳經用咗我呢條橋~~

kateyip:
Thanks!今次好彩撞到好天氣!影相方面我唔係高手,好多野都係摸索中,都係學習學習

naruto said...

咪影得幾靚:)

舒舒服服隨心影就得架啦

ps:竟然係花盆。。。我諗多左

l.minor said...

naruto:
Thanks!呢轉d相我自己幾鍾意,下次再慢慢影

Maisy said...

日落影得好靚啊:)
天色好靚,d景又靚。
我最初沿東灣海邊走,沿途唔見有手指山路牌,好彩我朋友記得要走入民居,後來搵到坪洲戲院旁有個手指山路牌,才沿住指示行,行到半山三岔口,雖然有一個大的手繪地圖,但睇完仍是唔知應走邊條路,好彩我朋友記得係最左那條路。如果要我自己搵路上山,我諗我實行錯路。
個山頂乜咁多人架?我當日去到無人架,所以我地爬上舊石,將部機放上條柱影相。

l.minor said...

Maisy:
果日天氣好,換黎全件衫由頭濕到落腳...

全靠有妳嘅提點,腦入邊先有概念大約係點上去,再加上果度d公公婆婆嘅形容

果日個山頂,都應該有20個人,有一班專登黎影日落嘅人為數6-7個,有幾對各自上黎嘅情侶,又有幾個準備升大學嘅青年人由三點幾坐到七點,重有一、兩個獨行俠,非常熱鬧。

原先我都係舊大石上邊影,不過影影下我好有壓力呀!因為好多人想上黎,又眼望望,而且有d人又有說話俾我聽,我都好客氣同佢地講我影完啦!叫佢地隨便,跟住佢地咪又係霸住舊石!

另外,果日咁多人係山頂,我懷疑d人係因為睇過妳個blog,因為妳話熱門影日落嘅地方通常都擠滿人,坪洲嘅手指山就只要妳地,哈哈!

p.s. 原來妳是夜鬼!

Maisy said...

可能放暑假多左人去坪洲卦,如果人太多,霸唔到舊石就有些可惜,因為個環境好多樹阻住,站在平地影得唔好的。
我個Blog無乜人睇架,邊有咁大影響力:p

naruto said...

我啱啱去完番嚟,今日都有耶穌光呀

l.minor said...

naruto:
今日都出動?好大雨喎!落到痴咗線咁

naruto said...

中左天文台嘅計,但最後成功影到靚相

不過好笑,我出發前無再睇你呎篇,剩係記得蝦多士。。。

咁食左啦,盲中中上左手指山,醒起你有影黃昏啦

番嚟睇番至知你有耶穌光+棵野草。。。我都係呀,直頭照dup你咁呀

l.minor said...

naruto:
哈哈,等你篇野啦!