墾丁の疾走恆春の六

 起身見好天,便要爭取時間到恆春一遊,由於天色晴朗,心情也特別開心!!!
要離開民宿,爭取最後機會影相

第一站就是 - 小杜包子
呢架就係我地呢兩日代步工具,Bye Bye Lu!!!
呢條路係特別俾機車行嘅,所以都安全嘅(不過唔係段段路都有)

有警察在小杜包子門外趕車,他初時也用手叫我走,但我見門外有機車,當然也不理他,照泊可也!
呢個就係不斷趕車走嘅警察

掛隊的人不算太多,不過當地人一買就幾十個、幾十個買,所以有很多包售罄,如果要買特定的包,就要等;後來聽朋友說,之前他們到墾丁包車,司機帶他們去小杜包子,不但沒有排隊買,而且司機還直接到廚房自取包給他們吃。
小杜包子外邊嘅人
入邊排隊嘅情況

食咗幾淡先記得影,包子肉汁狂標,超大的旦王
另外點了杯Latte,味道又似模似樣
 吃完後,就走到恆春古城的西門,拍拍照!後來見到一間食肆
有人話見到個名都巳經覺得好嘔心!點食呀?口焢肉飯,你食唔食?重要係古早味...

恆春老街的一角
 沿著恆春古城西門行直去,便是恆春老街,而行了十分鐘,巳經出哂汗,見到恆春有名的綠豆饌,坐低食番一個消消暑。
恆春有名的綠豆饌

食完真係舒服哂,問問老闆去阿嘉的家的方向,原來直行轉左就係 。
阿嘉的家

超級商業化嘅一個景點,門口賣手信,上去要俾錢,連對面賣棷青個阿婆都商業過人,寫住海角七號嘅牌

係阿嘉的家影完相,就開始返去船帆石,如果時間許可,可以再去台灣最南點,但未去到墾丁大街,天色又開始變,雨越落越大,大到打落塊面都幾痛,而太陽眼鏡係用來件擋雨,唔係擋太陽,好在我地都有雨衣係身,所以大雨都濕唔到我地太多,咁唯有早d交車,係7-eleven飲杯咖啡再坐一坐,跟住就返民宿攞行李,等我地預定嘅車出高雄。

原來預定果架車係載我地去到墾丁大街之後,就叫我地轉另一架車,呢架車比載我地由高雄黎墾丁果架靚同坐得舒服好多,不過,時間就多咗一個鐘,因為佢重要去載佢其他嘅客,唉~~無辦法!鬼叫我地唔係包車 。
呢架就係出返高雄嘅車,比起上次入墾丁果架,好十倍有多!!!

5 comments:

naruto said...

我地離開去高雄咪又咪又係遇著個衰司機。。。

Maisy said...

嘩,阿嘉之家,我又要去。

坐機車旅遊都幾得意,起碼在其他地方很少有機會咁樣玩。

l.minor said...

naruto:
完全明白你心情,心同感受呀!我諗我停低嘅地方就係你停低果度。

Maisy:
原來你係海角七號迷!

原先到墾丁、恆春,plan咗d地方要去,好似萬里桐呀即係戲入邊睇日落嘅地方,重有關山同其他其他...因為天雨關係,全部都要留返下次先去。

另外,坐機車旅遊都幾得意,除咗日曬雨淋問題,同點揹背包、腳架嘅問題外,都係唔錯嘅選擇,我覺得包車有包車好,唔洗理咁多野,司機幫你諗掂佢,而且重有意外收獲都唔定(可能司機帶你去特別地方,但又可能遇著衰司機,去親邊度都叫你唔好去咁耐),機車就自己鍾意去邊就去邊,係景點坐幾耐都得。

如果冇機車牌,佢地有d電動單車,一樣可以自駕,不過要考慮換電問題

卡臣 said...

西門口腔肉飽?
我唔覺口腔肉核突喎
我反而覺得磺兩個字仲核突喎

l.minor said...

卡臣:
錯哂字喎...