墾丁の暴雨高雄の七

攝於春水堂
去到高雄見到個天灰灰沉沉,天色重差過香港(其實當日香港是黑雨),就決定今日唔去旗津,如果聽日天氣好先再決定。係民宿放低行李,休息咗陣,就係附近搵野食,因為真係非常肚餓,好似幾日無食野咁肚餓。
呢度係高雄嘅民宿,超平,三百幾蚊,房間乜都有
另一個角度
民宿望出去觀景,如果好天可以見到日落

係民宿附近見到一間很地道的湯麵店,唔理,乜都食呀!
台式地道拉麵店

唔知係肚餓,定係真係好食,覺得個湯麵好好味(寫blog呢一刻都重覺,可能係我而家都肚餓),食完其實想再食多碗果隻 。
湯、麵、菜,果麵而家重記得好味道

之前啱啱到高雄時,見到民宿附近有間春水堂,之前幾次去台北,次次都想去,但次次都去唔成 ,所以今次就想去試試,一到門口又開始落雨,而且係唔講得笑果隻,所以唔去旗津係絕對正確。
高雄的春水堂,影咗一張相,雨就開始黎料
春水堂入邊,裝修到有點書卷味
食咩好呢?
等咗二十分鐘都未有
叫咗兩杯野飲,超巨形
再加一個台式小香腸
就係咁我地就係春水堂逗留咗兩個鐘,跟住就向夜市出發去瑞豐夜市。

瑞豐夜市門外

買了鴨舌食,雖然平,不過同老天祿比,真係差幾皮

鴨舌口感偏硬,味道一般

係瑞豐夜市買嘅手信,留意上邊第二個麥當勞形狀的公仔係自用的,電風扇來的

之前有人叫我唔好去六合夜市,因為六合很像廟街,而且只得食的檔口,想多元化都係去瑞豐好一D,不過由於傍晚的大雨,有些檔口沒開,不過都行咗一圈,都有一D收獲。
係高雄民宿影嘅夜景,其實當時天氣很差;夜景我還是喜歡香港的

6 comments:

卡臣 said...

你的魚眼鏡
令我有「防盜鏡」偷窺的感覺
過癮呀

你杯超巨形野飲
同你個胃一樣咁大

naruto said...

落足一日,你就食足一日


to:樓上,咁咪可以扮“我來自德成”囉!
呢條橋幾好,抄低先

l.minor said...

卡臣:
即是我係偷窺狂呀!

可惜我身形同我個胃唔成正比!

naruto:
無辦法啦,原先去高雄想去旗津踏下單車,影下相,好在冇去,去咗都唔知走唔走到...

另外,高雄又真係冇咩野玩...唔食都唔知有咩做!

Maisy said...

落雨又真係幾掃興的。
那幾粒電風扇好得意:)

naruto said...

無睇我推介咩,上天台玩橡筋彈上天呀

l.minor said...

Maisy:
可惜電風扇只作了我的裝飾品

naruto:
有呀!但我懼高的,坐海洋公園的纜車也不斷冒汗...