墾丁の煙霧高雄の八

煙霧高雄
天氣比昨日好一點,雖然未致於陽光普照,不過沒有落雨巳很不錯。

早餐要搵間豐富嘅,就去咗琴日拉麵...嘅隔離,一間叫One的西式/意式的餐廳,由於時間是十點幾,返工的人相信巳返工,而又未到食飯時間,所以餐廳只得我們小貓三兩隻。
第四日早餐嘅地方 - One
哈哈,我地個座位

雖然食物要等上十多分鐘,不過送上的Pizza,卻是超級的香軟,香港未試個Pizza是這樣的質感;咖啡等的時間更耐 ,等咗二十分鐘都唔見,後來佢地講番原因,原來部機啱啱開,唔夠熱,果然服務認真,如果係香港,我相信唔熱都照整杯俾你,你投訴先再幫你再整過。
炸雞卷早餐
超好味鬆軟的Pizza
One的Latte

由於時間所限(原先打算有時間會去旗津,點知今日都係冇),買手信、行百貨公司、去誠品,時間巳經用得七七八八。而下午大部份時間留咗係一個地方,叫夢時代購物中心,要由捷運站再搭接駁巴士,基本上佢係一個好大嘅商場,頂樓有一個好大嘅摩天輪,重有其他遊戲玩,可惜我有畏高,所以都係唔啱玩。
行超級市場時見到嘅,香港製造嘅出前一丁,咁香港買嘅,係邊度製造呢?
其實呢個張君雅小妹妹係咩牌子,出咗好多零食咁喎?
呢枝野係地鐵見到,其實覺得幾好咁,可以多啲人揸到,又唔怕有人挨住,香港可以參考下喎!
捷運出邊好多挾公仔機
另一部挾公仔機
你估唔估到,呢舊野係咩黎?
呢個係台灣Seven自家出嘅公仔,都好hit下咁喎!
去到果度,買俾自己嘅野,其中一件係Open仔
夢時代專用接駁車,好多小朋友都想坐,小朋友包括我
返去民宿攞番行李,因為唔想再搬咁大舊行李去捷運站,所以都係坐的士去機場好d(雖然機場都有個捷運站,但原來去到機場個捷運站,要行一段路先可以入到去機場),因為上咗車一陣,又開始落過雨,而且非常之大。

因為高雄機場其實都幾細,所以寄完行李,就打算早d入去食野同坐下,點知...原來入邊係無野食,好啦!無野食都唔係問題,去做下按摩,點知又無人serve你,呢次旅行,對呢個高雄機場非常不滿。
呢個就係高雄機場,超細~
好似好靚咁?但一間食肆都冇...

又係落雨,Bye Bye了高雄
後記:原先呢篇野好早巳寫得七七八八,不過見連續post咗幾篇都係墾丁,所以就放呢篇打算遲小小出,點知又有單菲律賓野發生。呢單菲律賓事件,令我對菲律賓人重新思考過,原先對佢地無咩點,但因為呢件事,我腦中只係記起佢地d衰野,古古惑惑,鍾意講大話,唔守信用,呢d都係我係佢地身上所見到嘅,雖然我知道佢地唔係個個都係咁,但呢一刻我真係唔係太鍾意呢個民族。

12 comments:

l.minor said...

啱啱再睇咗馬尼拉挾持人質事件倖存者李瀅銓寫咗一篇嘅野,令我有對菲律賓人有小小唔同睇法:

Ref: http://news.mingpao.com/20100829/vza1h.htm

(文章太長,post唔到呢度)

naruto said...

原來畏高,頂樓好好玩架

但呢一刻我真係唔係太鍾意呢個民族。。。。me too

Coffee n Tea said...

原來停咗下,我仲以為你長駐高雄呢!

菲律賓,我將之從腦海排除去了。

卡臣 said...

竟然有transformer!


果邊咁封鎖
香港人點查呀?
真相難以揭開

l.minor said...

卡臣:
認真的,你睇野真係好仔細,咁都睇到;可惜佢要買唔知幾多錢transformer,先可以同佢影相,不過,其實佢都幾核突(酸葡萄)

菲律賓單野,今日想去遊行,但因為某d原因最後都冇去,雖然知道就算我去咗遊行,佢地個結果都係咁,但最小我都去表達我嘅非常不滿

Maisy said...

夾公仔機的第一張好靚,好有壓逼感,好似d公仔被擠作一團咁。
我都識人鍾意玩魚眼,玩到自成一格,你再玩下去,都可以創造出自己的風格架。
或者可以試試,近距離影,影到主體好似大頭狗咁變晒形,或者舉高部機影,影d常人少見的角度,都有新鮮感架。

l.minor said...

Maisy:
最近呢兩次出去影相,雖然有帶魚眼,不過盡可能唔用,因為怕看膩了,而且我發覺影出黎嘅相,都好相似;另外我對我枝魚眼還在摸索中,因為試過張枝鏡一收光圈,成張相的成像,光暗完全唔同哂,變得非常誇張

多謝妳嘅意見同提點,下次試多d唔同角度影或搵一d人唔多常用嘅角度睇嘅地方去影:P

Maisy said...

我都諗過買魚眼鏡,但朋友都話唔好買,因為影得多會發覺影出來差不多,後來識到d人鍾意影魚眼,佢地話可以影到好多效果喎。
最近有朋友入選攝影比賽,雖然最後得唔到獎,但從評判的評語中,指出佢五張作品有兩張用魚眼,如果可以成輯相(五張)都用魚眼,風格會更一致,咁我諗,魚眼都可以影到一些好特別的效果,所以你買左就唔好浪費了。

Maisy said...

http://www.fotobeginner.com/1165/use-of-marco-wide-conversion-lens/

最後兩張個主體好特出,夠晒誇張,可能影一些特寫,會是其中一種影法。其他影建築就好大路。

唔知點解第二張會有Tunnel Feel,我部lomo魚眼就係影成咁,當以為影緊個人半身時,影出來變成了全身,仲影埋好多路人甲乙丙。

l.minor said...

Maisy:
Thanks!妳朋友好利害喎!有機會都想睇下佢d相。

妳部Lomo個view finder係唔係睇到咩就出咩?定係因為Lomo機個view finder是分開的,所以影相時,影同睇係兩回事?Lomo機無特別研究過,雖然曾經有過一部,轉手就賣咗出去

Maisy said...

http://www.dcfever.com/campaigns/2010/hkjc_phase9/hkjclisting.php?id=101&list=detail

我朋友是十二號參賽者,個活動有七百多人參加,從中選十幾個入圍,佢入到圍都好厲害了,我諗住得閒就睇晒評判對參賽者的所有評語,從中學習一下。

我部lomo魚眼,在觀景器睇到的,有一大半是睇到個凸出來的鏡頭,另一小半是取景,咁點構圖呀?所以只能靠估,因為我是影旅遊到此一遊,所以影出來無特別,如果影下d大特寫,我諗效果會誇張d。

l.minor said...

Maisy:
妳朋友影果兩張魚眼真係影得好好!好生動,時間又攞得好準呀!正!又學到野!

我明白妳部Lomo魚眼的問題了,哈哈!真係好難構圖呀!解決方法有一,就係入魚眼...