幪面超人祭

呢個幪面超人祭係香港出現過,你地知道嗎?

其實本身我都唔知,只係見到其他人嘅blog先知道。佢地有賣廣告,重要係紅隊口,不過係好細塊嘅廣告,真係有緣人先會見到。地點係亞洲博覽館,重要幾十蚊入場費,我諗好鍾意嘅人先會入去,雖然我對佢又唔係特別鍾意,但有免費飛,所以先去行下。

本身我自己就唔係大有興趣影figure,不過無乜野影,都影下啦!
重有模型啦,個個都狂影
其實幪面超人係咪壞人黎?點解呢幾個個樣咁奸?
其實去到會場,以為人唔係太多,原來d人去哂睇幪面超人真人show,所以場館先無咩人,一到個Live show完咗,想影相影唔到其他人都難。其實呢個幪面超人祭都無咩特別,都係賣下野,同有幾個人形figure影下相。
呢張好鍾意,可惜影衰咗!
小妹妹都整個幪面超人post
覺得邊個會贏?
Live show中同Live show完咗嘅分別,Live show時,自拍都無問題,Live show完咗,自拍我相信你要超厚面皮叫幾十個人借借先影到!
其實幪面超人係咪蒼蠅黎架?點解要搵蒼蠅做超人呢?又係基因變異?

除咗figure,重有幾個幪面超人女model行來行去,不過見在場嘅人仕,影幪面超人多過影佢地,哈哈!
幪面超人唔係淨係得男fans,原來都有好多女fans

5 comments:

Coffee n Tea said...

超人餐餐都係先被敵人打到就來唔掂,然後就「變~身~!」

naruto said...

而家幪面超人好勁架,有忠有奸,好暴力,仲有明星,特技都多左好多呀

Maisy said...

我只係識幪面超人一號二號三號,現在出到二十幾個吧。
去到咁遠搞,仲要收錢,真係趕客。

卡臣 said...

我兒時必看的偶像呀!!
都鐘意奸黨啲「嘰嘰」

l.minor said...

Coffee n Tea:
上網睇到,原來幪面超人可分兩個年代,前代就注重拳腳,後代就靠條腰帶俾力量佢...

naruto:
以前拳拳到肉, 而家至用特技...

頭先上網睇番,原來當年幪面超人一個人做哂所有野,無替身,即係抯電單車,扮正常人,打交,一個人做哂,點知拍到十幾集時炒咗車,傷咗,所以就整咗第二個幪面超人出黎,直到傷咗個超人好番,先再出現番...

Maisy:
幾十個都唔知佢邊個打邊個,有d個樣好壞,我以為係壞人黎
其實咁遠,都唔知佢賺唔賺到...

卡臣:
原來你係奸嘅,沙麻lu,沙架!!!
佢地有個live show,應該搵你去幫下手,客串下...

題外話:當年原來有人睇到入咗迷,係現實中用主角的絕招 - 風雷電, 攪到飛咗落街,自此麗的禁播...