大澳遊

「河蟹」事件你可能還有印象;兩次的颱風把「她」弄得不似人形,你可能還記憶猶新;但你還記得「她」曾被譽為東方威尼斯嗎?

記得第一次踏足大澳,是中學時期,當時看到報紙大澳的橫水渡快被取代(其實都不知等了多久,才正式沒有橫水渡),所以約了一班朋友到大澳「旅行」,遊走了一個下午。大澳由於有一片紅樹林,所以也寄居了一批紅樹林專有的生物。還記得那次大澳遊,有個直到今天,一班有去的朋友仍會拿來開玩笑的故事。事緣我們一班人在河邊看到很多招潮蟹,當然也會捉他們來玩一番,大家各自各玩的同時,朋友F蹲在一旁,正背著朋友G,而朋友G手上卻捉了一只招潮蟹(招潮蟹的鉗是特大,見過有些比它們的身體還大),然後放咗朋友F的耳邊,朋友G就對F說:「你信唔信...」成句說話未講完,朋友F卻大叫一聲:「呀!」原來招潮蟹自己伸出巨型的蟹鉗,去夾朋友F的耳珠,同一時間那隻蟹卻放棄他的巨型蟹鉗,斷鉗逃生,鉗留耳邊,就係呢件事,朋友F就穿了耳洞(當時有影相,但相巳經不知在進的手上)。

今次再次走到大澳(除了中學生時代的那一次外,也再到過了大澳數次),由東涌出發,看到去大澳的巴士人龍非常之長,亦非常之亂,亂到你分不清那裡是龍尾,幸好巴士公司的安排也尚算滿意,見到有那麼多的人龍,不斷不斷的加開班次(如果維持半小時一班,肯定暴動),去疏導人潮。
巴士上看到的海
再走上大澳的感覺良好,當地的居民也很有善,除了給一個大嬋大罵我們在拍她的照外...哈哈,其他的真的很不錯,吃了地道的炒飯,與燒帶子的店員說笑,吃了炭燒蝦乾,給乘涼的伯伯介紹了好地方(原來他另有目的...哈哈),走上了新基橋看棚屋,還有喝了濃味十足的凍咖啡、咸檸七、還再喝了杯冰凍越式咖啡;雖然最後趕不上船到屯門(尾班船太早了),不過坐車回東涌也很不錯;而最令我驚訝的,原來大澳是有民宿供居住的,有機會我都想到大澳住一個晚上,享受一下香港漁村民宿的感覺。

超級肚餓之下食咗個”巨型炒飯”,好味!再加燒芝士蠔,正!
大澳賣雞蛋仔伯伯,其實雞蛋仔同大澳有痛咩關係?(呢個我冇食)
呢檔係”阿伯燒魷魚”,其實魷魚麻麻地,好硬,不過賴尿蝦乾就幾好味
呢間屋好舊,個屋主正在翻新,點解會知,因為...
因為正正對面呢間就係個屋主嘅,而呢間原來係民宿黎,上網睇過佢地d房,好似幾好,不過就貴咗小小
民宿嘅資料,有興趣click大黎睇下,有佢地個website,據佢地個website講,屋主精通多國語言
係日本東京有冇碼頭我就唔知,不過大澳就有個我懷疑寫嘅人有d問題,因為佢間屋前面好恐怖,你去到你就會知道!!!)
呢間係一對公公同婆婆,賣畫(好似?)成間屋畫咗d字同畫
之前買野食時,有個阿伯叫我地過黎影棚屋,係"新基橋"影
新基橋附近影
除咗棚屋,重有咸魚!
咁多咸魚,都幾重,你睇枝野都彎哂!
水鄉呀!
又咸魚?係呀!唔同種架!呢隻惡好多!!!
呢度係咩野黎呢?
其實係一間另一間民宿加Cafe,飲品味道唔錯,而且有風景睇,老闆又好人
想知道民宿資料,click大張相黎睇啦!
黃昏相得兩張,無辦法,天色唔靚
整多幾張貓貓相
 p.s.其實去大澳同去幪面超人祭係同一日,所以入到大澳巳經成三點幾四點

14 comments:

naruto said...

去好多地方喎

有無睇過我舊果篇,猴王廟果邊都有好多野影

大澳仲有個勁地方,要行上山架,有九曲十三彎橋架;我都無相

卡臣 said...

香港講大澳的電影

劉國昌的《哥哥的情人》
由梁朝偉做主角

l.minor said...

naruto:
未睇呀!轉頭睇下先!九曲十三彎橋?咁勁?

卡臣:
講電影真係唔夠你熟!《哥哥的情人》好唔好睇先?俾你估下,當年我去大澳,見到李嘉欣同張智霖拍戲,呢套係咩野戲呢?不過,個答案我係唔知道,但套野唔係199x年的

Coffee n Tea said...

呢輯相令人看得好舒心,風光明媚的漁村。宜家天氣熱,秋涼時我又再去大澳行下。

卡臣 said...

我估是關錦鵬的"有時跳舞"

naruto said...

比條link你。。。http://edwinor.blogspot.com/2010/02/gf1.html

to:卡臣。。。《哥哥的情人》間屋咪我朋友果間囉

l.minor said...

Coffee:
其實今次再去大澳,佢令我有衝動再去過,特別係咖啡,民宿...我真係有d鍾意咗大澳

秋天去都好,舒服d,不過記住留多d時間係大澳,可以慢慢睇下大澳呀!

卡臣:
我其實唔太肯定,因為我嘅記憶應該係1995-1997年拍(我唔係太記得),但關錦鵬的"有時跳舞"係2000年,不過信你!

naruto:
原來我有睇過你呢篇呀!試機篇,哈哈!我由於太小時間週圍走,好多野都無睇到,不過你講果間餅店,我有印象經過過

Maisy said...

燒芝士蠔唔錯啊,應該多整呢d有地方風味的特色小。
嘩,影左咁多相,我睇返我幾年前去大澳,好似影得十張八張,因為無乜心機影。

Rempei said...

去親大澳,我必然幫襯佢地既咸魚,yummy!

l.minor said...

Maisy:
好多時我都有睇你d舊文,搵日搵下你篇大澳篇再睇下先

Rempei:
啱啱呢次去,都食咗過大澳咸魚炒飯,非常正!

平帆 said...

兩年前某星期日去過大澳,發現街道比旺角還迫,從此未再去過。

我也是很回味企橫水渡的年代。

l.minor said...

平帆:
係呀,如果我下次去,我諗搵個平日去好d,等搭車時條人龍應該過百。

另外,等你介紹多d其他地方周圍去。

Maisy said...

大澳我係四五年前去的,那時未有blog,無貼出來架。

l.minor said...

Maisy:
哈哈,重以為妳有放到上blog潻,因為我發覺妳同naruto去嘅地方影相,有部份相同,好似華富村的瀑布灣,所以直覺話俾我知,妳有放到相潻

而家有blog都好,至少有動力叫我寫低d野,遲下都可以拎番黎睇,都重有七成記得