釣魚釣到八爪魚

之前天氣太熱所以暫停釣魚,見天氣涼番小小而且琴日又係公眾假期,所以去咗釣魚,不過釣咗無耐就開始落微微雨,好在碼頭上邊有蓋,人就無濕,不過就無咩魚釣咁;到雨開始停,就開始密口番,居然重釣咗條八爪魚上黎,真係第一次,釣咗三粒鐘,有十幾條收獲,都算唔錯

回程時,見到有人係到放孔明燈,不過唔成功,放咗落海 。 


漁獲: 
2010
2009

 

15 comments:

Ebenezer said...

八爪魚,可以生食wor^^

l.minor said...

哈哈,唔好啦!香港貨不宜生食...

Coffee n Tea said...

原來你愛好釣魚架?見你舊貼文收穫很不錯喎!

Otto said...

我都想講"不如當刺身咁食啦",再唔係即時買支孖精浸一浸佢先食都仲得!!~

最後你點處理佢呀?

naruto said...

嗚,八爪魚,你死得好慘呀

邊個碼頭嚟架?

我經驗係落雨會開口D架喎,點解你倒轉嘅?

l.minor said...

Coffee:
係呀!釣魚其實幾好玩架!特別係遇到一d拉力大的魚!不過今次呢幾條力水麻麻地

Otto:
最後就整乾淨哂,要黎同d魚一齊煲湯,其實聽人講,香港八爪魚雖然食得,不過唔好食的,好un

naruto:
佢好恐怖架~~最後佢係俾我用冰凍死架!

碼頭係沙頭角碼頭,上次見人釣到魚,所以一直心思思想去呀!

其實有人話落雨d魚,個海濁咗,所以d魚會放心食野,又有d人話因為落雨,d水口淡咗,所以魚又唔開口食野...不過我其實好小落雨釣魚就真, 所以我都唔太肯定...

卡臣 said...

點解韓國人愛生吞八瓜魚呢?

naruto said...

我明啦,係淺水釣同深水釣嘅分別

我未試過碼頭釣;不過無釣魚都有十年啦

l.minor said...

卡臣:
正經嘅答案:新鮮呀!好似魚生咁,不過又真係好恐怖...
估背後嘅答案:壯陽呀?

l.minor said...

naruto:
似乎你對釣魚都好有研究喎!你以前去開邊樹釣呀?有冇咩釣點好介紹?你以前船釣?磯釣?我都係上年先開始釣番, 再之前又係好耐世紀嘅事了...

largeheadboy said...

沙頭角碼頭咁遙遠呀

放生佢吖嘛~

l.minor said...

largeheadboy:
去探我外婆,順手去試下沙角頭釣魚,有d魚所以順手拎佢去煲湯,不過如果太細,我都唔會拎走

naruto said...

以前船釣,但其實唔食魚,得物無所用

果陣買哂冰箱,好認真架,瞓練耐性幾好嘅

l.minor said...

naruto:
我都唔食魚,不過會拎佢地去煲魚湯

船釣咁正?我都未試過,因為唔係個個都頂得順;至於冰箱,我都買咗個細細地架

你d架生而家咪生哂秀?

naruto said...

以前釣,一來果排群埋班釣魚嘅同學(而家佢地都散哂)
二來鍾意對住個海
三來當時有阿爺接收D魚獲,見佢開心個樣,咪繼續釣囉;佢話新鮮釣嘅好好味喎;咁佢十年前都走左咯,釣嚟無左個意義

魚釣係好玩,但每次都要食暈浪丸架,兼無厠所架,8粒鐘,呢樣先至難攪

ps:我係連魚湯都唔飲架