星期二檔案 x 元岡幼稚園

最近一個月內分別去咗兩次親友的小朋友生日會,還有一次是迪士尼酒店舉行,真係驚覺而家的小朋友真幸福,未懂事巳經有父母為佢地預備最好的,想當年又點會有生日會去宴客呢?我相信現在的家庭富裕了,而且某情度上小朋友的父母將自己童年欠缺的,現在有能力可以「實現」回童年的其中一個夢想 - 夢幻生日會。

話說回來,昨晚準時回到家,無線正播著「星期二擋案」,內容是上年低薪請校長的元岡幼稚園,由那位的「白武士」校長,怎樣由殺校邊緣的幼稚園救回來,當中還有她身兼多職 - 校長、校巴司機、雜務一腳踢,上至教書,下至買配件整水喉(她的先生幫忙換水喉),一方面辛勞得不到正常的回報也在所不計,但仍受到冷嘲熱諷,有書商出爾反爾,應了送教師課本,但因學生太小而不了了之;又給家長用三字經「問候」,因為小朋友學不懂生字。而學校本身所收的學生都係生活於基層家庭,生活只捉襟見肘,校長還用了夜間的時間充當班主任、社工的職務,去進行家訪,見到有需要的家庭,也盡量施出手。而校長家人見到她忙碌到分身不下,也盡量幫手去用自己的專長去配合校長(老公本身是展覽會的設計師,所以幼稚園的重新設計及翻新就由他處理,最後也決定提早退休,幫助太太做校工、第一打手、總務長的職務,其實還有其他屋企人幫手維修學校的電腦、印咭片...等等),最後甚至感動到自願人士及義工一起幫手(詳情我沒有留心清楚,只見到當時有人與校長送一些舊電腦去有需要的學生家庭)。

寫出「元岡」的故事,都係想講如果自己能力許可(呢個真係好重要),又可以幫到人,都請盡量去幫,無論最後結果係發展成點。

有興趣可以上去睇下:

http://mytv.tvb.com/variety/tuesdayreport/111344/#page-1

10 comments:

卡臣 said...

給她鼓掌

Coffee n Tea said...

好偉大!
但有幾多個學生,及能否給到較好的教育給孩子呢?

Ebenezer said...

香港有一間元岡幼稚園,有一間鮮魚行小學。

這究竟是香港人的幸運還是悲哀?

naruto said...

值得幫就要幫,我嘅宗旨

l.minor said...

卡臣:
要大力d呀!

Coffee:
由上年5個學生,到而家有21個學生,校長都算好利害呀!雖然幼稚園設備係差d,不過我相信師資唔太差,至小佢會用英文教學,其實節目入邊有講過;而d家長張佢地仔女送入元岡讀書,因為貪佢地平,其他幼稚園收費比較貴。

Ebenezer:
好在而家兩間都重上軌道。

政府諗野,有時要諗下d弱細社群先得架!如果因為殺校,d人去邊讀書?多咗嘅書簿費點攪?

naruto:
收到啦!你呢d特別係幫朋友,上刀山、落油獲,兩肋插刀,在所不計! 

聶秀康 said...

校長係有心人,之前捐了些童裝具,佢親自寫信多謝!要支持下表揚下....

SKII said...

我的留言...

http://sally-smallthoughts.blogspot.com/2010/07/blog-post_18.html

l.minor said...

聶秀康:
果然係一個好校長!真係非常欣賞同佩服佢。

SKII:
謝謝光臨!

很同意妳所講的「別人笑我太瘋癲,我笑他人看不穿」。或許大部份香港人的思想太複雜,一件簡單及無回報的事(或得不到正常回報),其他人就會覺得她傻,或猜測她背後的動機,無論她的動機是怎樣,但都是做著一件好的事。

SKII said...

讚成,就算佢嘅動機係同自己積福,而施和受雙方也得益,何樂而不為.

l.minor said...

SKII:
非常同意呀!