日出康城釣魚記

日出康城的天空
前陣子政府就擴建將軍澳堆填區事件攪得滿城風波,反對的聲音此起彼落,最大影響的當然是日出康城那邊的住戶,而我雖不是將軍澳區的居民,但也是反對的一群,這個頭痛醫頭,腳痛醫腳的方式絕對不能接受,而且那班高官收這個人工卻用上這樣的方法去解決問題,那不用他們做了...其實我唔係想去討論垃圾處理的問題,而係上星期去咗日出康城釣魚,日出康城釣魚?係呀,日出康城釣魚記!
上年重拾釣魚興趣後,除了差不多每星期也去釣魚,亦四出搜羅釣魚地點(上網看書),聽聞日出康城對出可以釣魚,而且晚上可以有不錯的收獲;還記得上年初釣魚時,誤打誤撞之下在日出康城試釣一次,但當時康城站還未正式啟用(還是我記錯?),所以要離開康城,就真係行到死都未出到去,而且上次釣魚的位置不甚理想,太多蟲蟻,而且太陽一收,完全是在「餵蚊」,就算有蚊怕水亦沒用。
左邊是杏花灣、柴灣
經多次上網查證,日出康城釣魚的地方有另一個入口,就是港鐵站A出口一出,向左行直去便會見到鐵絲網,再跟著鐵絲網直走,便會見到一個缺口,走進去沿著路行便是了,不用20秒便會見到一條長石駁,自己找過理想位置下杆便是了
好早巳開始日落,秋天巳來

其實康城釣魚的位置,從外邊是看不到的,有雙重鐵絲網包圍,而且草亦生得高,但不用怕太靜,因為你走到入邊巳經有數十人在下杆釣魚,反而要怕的是餵蚊釣魚地點面向將軍澳華人永遠墳場(其實望過去好遠),左向柴灣,而右向坑口及維港灣畔,其實風景都唔錯,而且又可以看日落,不過見到有人來影沙龍相就有小小覺得奇怪,不過可能影創意沙龍都未定。

至於當日收獲一般,一放杆不用30秒就有魚上釣,是兩指的石釘/黃釘,而我自己經驗太快有魚上釣,當日收獲都唔會太理想...另外釣魚特別之處,是同一地方,明明初時有魚,但突然間又會無哂魚,又或者今次釣到盤滿缽滿,下次就一條魚毛都無(別人的經驗說同一地點有魚無魚,就要選啱時間,又要看有沒有流,有流就增加釣到魚的機會)。

日落康城對出
另外,以前釣魚常常只會釣到石狗公,現在釣魚就常常都有石釘/黃釘(石釘/黃釘是班的品種,當然是班的下價野),唔知道而家個海點解咁多班?返而石狗公卻不見了? 

漁獲: 
2010
2009

11 comments:

naruto said...

石狗公都比人釣到無哂?陰公囉

釣石狗公手感好好,好似釣到大魚咁

Ebenezer said...

「溢出骯城」呢個屋邨,佢個名真係貼切兼抵死到唔恨嘅啫!!

l.minor said...

naruto:
係呀!石狗公好難搵呀!返而成海石班仔!

之前釣開果d石班仔,都冇咩力水,唔知點解今次果d好好力水,我每釣一條都以為大野,上到黎兩三指咁細~~

Eben:
個名正喎!我第一次見!你諗架?

佢地除咗「溢出骯城」個名,你重有”屋邨”黎形容佢地,唉~~真係比對住墳場同聞住垃圾味更難受~~哈哈

Ebenezer said...

呢個屋邨一開賣,網上就已經見過有人咁叫呢個名架喇^^

Coffee n Tea said...

咦!今次冇收穫呀?日出康城的日落景還好嘛!

l.minor said...

Eben:
個名好正呀!都唔知點解果度都重賣得咁貴,傻架!!!

Coffee:
有收獲呀!不過都係d魚毛,最後掟番哂落海,不過...

日落景真係唔錯呀!而且再送多個墳場景!

largeheadboy said...

原來我咁大個仔從未釣過魚啊!

卡臣 said...

正喎
好介紹...雖然我唔釣魚

l.minor said...

largeheadboy:
要試下啦!唔錯架!

卡臣:
去坐下囉,做下善事,餵下蚊~~

Sam Kwok said...

雞泡咬絲又多蚊““““

Sam Kwok said...

雞泡咬絲又多蚊““““