我的舊老細

之前同舊同事傾開,講番起當年我地嘅舊老細幾咁勁,基本上係佢面前係無咩難題難倒佢!老闆俾一樣野佢諗,佢睇一睇書,幾日就攪得掂果隻(事前佢可能唔識,又或者唔熟果d野);佢嘅名句係:「一個人加一個人,只係做到兩個人嘅野有乜叻?一個人加一個人,做到四個人嘅野先只係勁!」,我就係咁嘅情況下去做我嘅第二分工,特別係每個星期六,佢經常性捉住我地洗腦,令我嘅心理素質增加不小(都唔知好定唔好?),可惜我資質問題,最後收唔得正果。

因為我舊老細樣樣掂,所以亦都有好多人欣賞佢,後來佢因緣際遇下去咗另一間公司(想當年呢間公司好hit的,d阿婆實識佢,但d阿婆唔知間野做乜架喎,勁呀!d阿婆淨係記住間野叫乜名同number),做咗d乜乜高層,但因為一個叻人都有一個通病,就係串(只係通常,有d好鬼內憸)!!!所以得罪人多,稱呼人小,無事就由字河,有事就一班人一齊出力踩到你死果隻;結果,據稱佢得罪咗當日搵佢入去嘅老闆,最後唔知邊個炒邊個之下情況離開咗果間公司。

而舊同事同我雖同佢無聯盟,不過舊同事都有其他connection,知道原來佢巳經退咗休(但佢四十幾歲之喎),炒股渡日,真係無佢辦法,老婆好似係政府官,唔洗供樓,屋企無負擔,仔女雖然細,不過都應該唔洗煩。不過再同舊同事傾番,佢咁嘅性格,重邊有工佢可以睇得上眼呢?人工低佢又唔做,人工高佢又唔受得氣?真好!咁早就退休,可惜我學唔到佢d叻野,如果唔係都可以有望四十幾歲退休,又或者打下風流工~~

雖然佢叻,不過佢心靈上應該好空虛,因為佢自己嘅個人問題,最後好似無人認同佢~~又或者我想多咗,佢退休只係想培多d小朋友,幫佢地學習成長。

10 comments:

Ebenezer said...

其實,你個舊老細好聽就叫退休,唔好聽可以叫做失業個播!!

卡臣 said...

自由自在喎~~

Coffee n Tea said...

曲高和寡!
做leader才好!

naruto said...

唔退休,可以好似我咁,做freelance

largeheadboy said...

呢類人真係唔少架
不過四十幾歲就唔駛做就太令人羨慕喇~

l.minor said...

Eben:
係呀!不過生活無休咁失業又唔錯喎,不過佢呢種人我自己覺得佢未必太享受,好似眾人皆醉佢獨醒咁!

l.minor said...

卡臣:
正呀!夢未巳求呀!

l.minor said...

Coffee:
我又學到四字成語,正呀!佢又真係leader人,可惜下邊果d又未必跟到佢步伐...本人正是...

l.minor said...

naruto:
你話我定佢先?佢呢d大雞唔食細米啦!
我呢,做freelance都唔知做乜?去果欄問下請唔請人先?又或者同樓下個”實Q”爭飯食

l.minor said...

largeheadboy:
係呀!朋友當中都有類似嘅人,覺得自己出類拔捽,全世界佢最叻,不過個世界唔認同佢呢!