當年阻住你返工…

source from HKGolden
今早報紙引述最近港鐵不斷狂炸市民的廣告「唔好意思,當年阻住你返工……」去作報導港鐵昨日的事故,淨看頭兩句巳笑到我反肚,好一句阻住你返工!雖然我是十萬名受害者之一,不過影響都不算太大,只是返公司的方法轉折了,而眼見無望準時返到公司,所以吃完早餐才回去。其實在未知道發生「港鐵事故」時,還在盤算今日應吃什麼早餐!

在油麻地港鐵站巳聽到不斷廣播,報告荃灣至油麻地及佐敦因電力問題,列車暫停運作,同一時間聽到有接駁巴士到尖沙咀,不過聽完廣播也攪不清接駁巴士的正確位置,晚上看到新聞報導當時的情況,慶幸無去「攞黎攪」。同一時間,油麻地港鐵站的閘口不斷有人湧出,情況非常罕見,再走到油麻地港鐵站的地面,人群就像年宵市場一樣,水洩不通,巴士站似有似無的排隊,有些人還在討論應上什麼車,而我眼見當時的人群,任何過海的隧道巴士都照上,懶得理他到香港仔還是柴灣,過咗港島區才算,沒可能還在想「搵架啱路而又有位坐的才上」。

如果昨日的情況,在尖沙咀區工作的話,我會首選乖的士回公司(可以去橫街窄巷搵下),可惜返工地點在港島區,而且紅隧又多車,西隧就不會考慮,又貴又遠,所以沒可能坐的士回去。相反看到昨晚新聞報導,見到市民不斷在鬧,其實都幫唔到件事,何不想想用其他方法離開,其實鬧完都係走唔到,其實都係想快些回到公司?另外,新聞報導說港鐵即時聯絡巴士公司安排60部巴士幫助接駁,我驚訝60部巴士不難找到,但要搵60個巴士司機話搵就搵到?(Standby架?)還是巴士到巳經通番車呢?

似乎港鐵實在太方便,巳經成為在大部份市民的一部份,佢地有什麼頭暈身興,市民便受罪了,又或者佢地遲下又有借口去加價,因為要維持有效率的日常運作。


15 comments:

Coffee n Tea said...

好文!

你講得啱呀,港鐡有咩頭暈身興,影響真大!

largeheadboy said...

討厭地鐵,基本上佢地已經係間地產公司
只懂賺錢什麼也算盡
有起事上嚟唔會有廣播話你知乜野事
總之就要你入咗閘先

卡臣 said...

我會揀步行去TST站

Ebenezer said...

港鐵呢期嘅廣告真係衰正口臭!!

naruto said...

有時就係咁,開口中。。。

但睇新聞見到D市民鬧人呀,亂過馬路個情景,好似番左大陸,死未?

Rempei said...

覺得個Ad個feel有D"獅子山下",我OK喎!

l.minor said...

Coffee:
所以我地呢度市民,都係希望港鐵唔好有咩事呀!唔係就大獲!

l.minor said...

largeheadboy:
事實佢地處理意外事真係唔係太好,at least廣播要做足,唔好攪到d人無哂預算

l.minor said...

卡臣:
咁激?行到出哂汗呀!

l.minor said...

Eben:
今次真係應哂!Sorry...阻住你地返工!

l.minor said...

naruto:
係呀!同大陸無分別呀!打尖,鬧人,沖出馬路!乜都齊呀!

l.minor said...

Rempei:
條片OK呀!不過咁啱出完個adv.就出事,真係呢...

SKII said...

呢個告白原本幾感性,但正一“開口中”!!

l.minor said...

SKII:
重之就可憐啦!

Anonymous said...

thanks for share........