紅筆裡的藍筆

我公司攞文具,唔係話攞就攞,係唔知幾耐會傳一次張form俾同事申請(其實好似兩星期咁上下),你想要咩野文具,就係張form度寫低,跟住隔幾日就有同事送到你面前,我其實一向都好小攞文具,因為我都唔多用,又或者走去人張枱攞就算數。不過最近呢次傳form,我就想攞番幾枝原子筆,因為發覺d原子筆唔見哂,又或者唔知掟咗去邊,申請完隔幾日,同事拎幾枝野過黎,我講咗聲唔該,但我隻眼突哂!!!

唔係呀!?俾d筆芯我做乜?用筆芯寫野呀?

其實d人攞原子筆,通常都係唔見咗啦,你唔係咁天真d人用到無墨同你攞過枝芯換呀???乜一枝芯同一枝筆差好多錢架咩?Keep stock咪重煩?定係我眼大睇過龍自己填咗去攞筆芯?我唔考究,下次再攞過!Yeah!
最後合成嘅筆

18 comments:

Ebenezer said...

哈哈,當公司幫你整枝組合筆囉,都幾型仔吖^^

卡臣 said...

我有時自備文具架
公司文具太不濟

Coffee n Tea said...

怕且都係你tick錯 :p ,而家好多公司都係開源節的,包括文具開支。不過你都見招拆招喎。

l.minor said...

Eben:
以為俾人偷筆就知道邊個偷!!!

l.minor said...

卡臣:
我攞文具最多,通常都係原子筆,其他都唔多用

l.minor said...

Coffee:
下回便有分解,我下次會睇清楚,睇下有冇tick錯,如果真係筆芯,下次就攞墨水筆!

Rempei said...

我都喜歡換筆蕊架~~環保D嘛~~

naruto said...

我以前番工全訊自備文具架,全部日本入貨,貪無人一樣,邊個攞左我嘅都認得番

SKII said...

你公司會傳 form,重兩個星期一次,好好㗎喇。我以前公司都係會換筆芯,不過係環保多啲,因為啲原子筆全部係 Pilot 唔平的型號,而家...都係換筆芯,不過因為我重用緊舊公司啲筆...

largeheadboy said...

我都覺得咁做環保啲
同埋有時支筆用慣咗就算冇墨都唔駛掉

堅仔 said...

我鐘意佢頭尾唔同色
咁寫出來係咪紫色的?? XDDD

l.minor said...

Rempei:
如果用環保,我都buy嘅

l.minor said...

naruto:
em...無辦法啦!我地呢度實施中央分配

l.minor said...

SKII:
似乎你枝pilot好好寫咁喎!用咗幾多年呢?

l.minor said...

largeheadboy:
好,環保我buy啦!有時用開一枝筆又真係有感情d嘅

l.minor said...

堅仔:
其實枝芯是黑色 XD

SKII said...

Minor,其實我有好多枝,真係幾好寫㗎,重影咗幅相,圖中上面果枝至經典,係鉛芯筆,都係喺舊公司攞,但經典之處係n 年前遠道由日本 office 帶返來...我都服咗自己咁無聊!

http://picasaweb.google.com/kaysally/Misc#5534573360560888818

l.minor said...

SKII:
你上邊果枝,我都好似有枝同款咁,聽日返公司再睇睇先. HAHA