三件事

最近鍾意觀察下其他人,想到幾件事:

1.同老細會報,詳盡報告完工作情況及進度,佢會突然問番入邊某部份細節,但之前其實巳詳盡報告了

2.與同事討論工作時,問佢有關細節,但答案永遠都唔到題

3.上堂做Lab時,tutor詳盡講解有關細節及要特別留意的地方,轉眼又有同學問tutor為什麼個Lab不成功?原因其實tutor剛才巳經說明了,又要tutor再重覆一次

結論:大部份人都唔太留意你講嘅細節,所以都唔好太認真講,佢有需要就會問你,無謂浪費時間(其實定係Present嘅人問題呢?)

14 comments:

Ebenezer said...

同佢唱番首許志安嘅:

Dream~~~dream, dream, dream....

naruto said...

係D人太自我

Coffee n Tea said...

很多人的聆聽能力遜色過其說話的能力,但其實聆聽比說話重要!

laulong said...

唔係 present 嗰個有問題,係聽嗰個。我見得好多,依家啲後生仔(好似我啲學生),係根本習慣咗唔接收嘅!

Otto said...

其實我覺得老細唔係冇聽你地presentation, 但係可能就係因為好似你咁講, 根本好多同事都唔係真係落heart做野, 諗住講完就算, 或者完全唔知道入面既野係乜. 老細就係知道太多人係咁, 所以聽完之後, 又會抽秤返, 睇下你地係咪真係做野囉, 我以前個老細都係咁樣, 之後過多2個星期就要開"集思會"~

largeheadboy said...

我就係成日問返人地野嗰個呀~

l.minor said...

Eben:
哈哈~你發音唔準~

l.minor said...

naruto:
係呀!好多時都唔理其他人做緊咩,講緊咩!

l.minor said...

Coffee:
係呀!有時想同佢地講:「講你又唔聽,聽完你又問,問完又唔識,唔識又唔聽...」

l.minor said...

Otto:
我覺得我老細唔係呢隻人,佢好多野都唔上心,同佢講時當耳邊風,佢俾人問時,佢又再問番你果隻

你講果隻老細,以前我都遇過呢種人,成日想試下係講d野係咪真,對著呢種老細,都真係幾大壓力,不過呢種老細我自己覺得反而易對付d,只要”事事報告”,令佢放心就會小d問(又或者令到佢覺得煩)

l.minor said...

largeheadboy:
啊~~原來你就係老細!

l.minor said...

laulong:
歡迎光臨!

真係好多人會選擇唔接收呀!有野就會再問番你!呢d人真係要打呀!

卡臣 said...

我通常聽到:「細節方面...遲啲再講啦」

l.minor said...

卡臣:
好呀!咁樣就好好多!