狗眼看人低

琴日收到舊老闆短信,要我幫手處理他家有問題的電腦,雖然舊老闆住的地方不是什麼高級豪宅,但每次他家樓下的看更總是諸多事實,每次也要煩上一陣子。

走到大樓外邊,照舊按到管理處,走進升降機大堂,管理員的位置就在升降機大堂旁邊,如以住般給問過究竟,巳道明要到那個單位及住宅姓名,還要問上你與住客的關係,最後我不想多講,只說:「朋友!」便停了他的「盤問」!明白他的職責所在,不過也要明白住客的朋友也不想給人盤問的感覺,特別是態度的問題才令我對他們很火!

還記得幾年前,太太(當時還是女友)的公司要搬到新辦公室,買了一些傢俱要放回公司,但因為忘了帶鎖匙,所以要到老闆家取匙,而老闆住的地方是大坑的舊式豪宅(忘記了什麼名),坐的士到達樓下,卻給保安阻止的士入內,而且態度是非常非常之差,當時很有「華人與狗,不得內進」的感覺,正當太太落車想與保安理論時,卻給我叫回來,並說:「要講都係應該佢過黎講,點解要我落車同佢講!係佢職責,我無理由落車同佢講!」跟著我打開車窗對著他說:「你一係唔好開閘俾我上去,如果唔係我就繼續停係度,我打電話叫人落黎!你就唔好開啦!」最後他卻開了閘,給我們上去。的士司機對我說:「你幫我地出番淡氣呀!平時佢地好串架!係都唔俾我地上去架,多謝!」我攪不清他們什麼原因不給的士進內(難度那裡的人一定是坐私家車,不會坐的士?),但那種態度,卻令我想「拉他入的士打」的衝動。

22 comments:

Ebenezer said...

你個故事演示咗去bargin野,係最緊要有智慧,唔駛吓吓嘈!

平帆 said...

做得好,自然有掌聲!

Coffee n Tea said...

諗到Arm果句︰咩都可以歧視一餐!

卡臣 said...

做得好!

堅仔 said...

好型呀minor!!! :D

l.minor said...

Eben:
你呢句野好有啟發性,又或者係另類嘅提醒,因為本身我個人都幾衝動,thks!

l.minor said...

平帆:
你個blog而家轉咗要sina用戶先login到,睇到留唔到言 SAD

l.minor said...

Coffee:
大家都係人,真係攞黎攪!

l.minor said...

卡臣:
過掌了

l.minor said...

堅哥:
你之我幾衝動架啦!果次我再諗番,真係有d驚,驚咩?驚夾咗個保安上車打獲勁!

Him said...

做得好!
有時真係要合理地惡下,
唔係佢地真係繼續大哂。

laulong said...

haha, 狗仗主人勢而已,玩得佢兩嘢啱晒數!

largeheadboy said...

好野呀!我都要畀幾下掌聲你!

l.minor said...

Him:
不過呢d人,下次對其他人都係咁,不過叫做幫的士司機報咗仇

l.minor said...

laulong:
你果然文人,形容得非常好呀!

l.minor said...

largeheadboy:
你d掌聲收哂

naruto said...

咦!你del左我留言呀?

l.minor said...

無喎!幾時留架?

平帆 said...

我都唔想,因為太多垃圾留言。不如你申請一個 MSB 戶口吧!

naruto said...

我記得係問你太太定你老闆個太太呀?

l.minor said...

naruto:
係我太太呀!Donald太太呀!哈哈哈...

naruto said...

Donald太太?吉絲締的衣櫃?