香港漁農美景攝影比賽


曾經試過參加過一次攝影比賽(暫時係唯一一次比賽),由於參加人數不多,幸運地得獎,自此之後都會特別留意攝影比賽,希望透過比賽增加自己攝影技術嘅層次,俗稱 - 「升呢」!

前幾個月,分別留意到某兩大銀行,都有攝影比賽,而且獎品都幾豐富 ,可惜最後都無參加。首先,「五號銀行」攝影比賽是強積金項目,主題是「退休 ‧ 樂 ‧ 無憂」,要根據主題再配合退休策劃及儲蓄的重要性,將想法運用創意以照片表達;自己原先有個想法就係去搵佢地嘅大型強積金廣告,跟住就係去到果度等運到,等下見唔見到有趣事發生,再影佢做參賽,結果呢個想法只係停留係腦裡邊,無行動過(前幾日坐車時,俾我見到5號銀行外邊,有個大型強積金廣告,特別在又有個阿伯好無憂咁打電話,好可惜無相機,而且巳經過哂比賽參賽時間)。

另一個攝影比賽「城市銀行」,主題要圍繞佢地銀行與日常生活中的相遇及接觸的生活點滴。照片內容必須有城市銀行的元素例如自動櫃員機、戶外廣告宣傳版以及人物等等,及要表達體驗過城市銀行服務後的感想。呢個比賽覺得好Hardsell,但就相反比較容易D表達出主題,我上網睇過參賽者嘅作品,真係無所不用其技,有搵人扮路人甲;有自己出鏡;有後期制作(但寫明唔可以後制,重要入咗最後final的50個,點架?),雖然有作品真係影得出眾,但亦有完全離題。 我自己亦有一個想法,就係係佢地大形廣告,影一相落雨,再影一張好天,去表達佢地風雨同路,可惜佢地唔可以後制(但真係有人用,攪錯!),我亦想過用相機內的多重曝光(咁又算唔算後制呢?),不過算,我個腦巳經參加咗比賽,只係無實物出現。

都係入番正題,「本地漁農美食迎春嘉年華」主辦單位特別舉辦「香港漁農美景攝影比賽」,歡迎愛好攝影人士遞交有關本港漁農風景、漁農作業及產物等之攝影作品參賽。申報利益:我同佢地無關係,只係想通知大家有個攝影比賽,有興趣請參加,詳情:http://www.dcfever.com/afcd/ 如果拎到獎,記住分番份黎,哈哈!

14 comments:

平帆 said...

奬品好豐富!

不過,我覺得拆散奬品比多些人較好。(申報利益:我不是攝影高手 XD)

l.minor said...

平帆:
哈哈!也一起參加啦!得了獎不要忘記分一些獎品給我! XDDDD

Him said...

其實有o的攝影比賽真係亂咁黎,
係咪實行到都唔知 (所以咪扮野自拍...)

漁農美景叫正常多了。

Coffee n Tea said...

加油!等你好消息!

不過得獎與否係其次,我總覺得每次投入一件事,總有很多得著!

naruto said...

呵呵呵,參唔參加好呢?

Maisy said...

呢類風景攝影比賽,得獎作品除了構圖好外,多是影日出日落,一般人無咁多時間捕捉咁既景,所以抵他們得獎的。

近期好似日日都見到有不同攝影比賽,今日又見到影BB,主題都算大路。

上次金管局攝影比賽,主題係「我努力理財為左乜」之類,我都好有興趣睇下得獎作品影d乜,結果真係O咀,大部分影排排企全家福或細路,三甲之中有一個一家三口排排企對住塊大鏡,爸爸用DC對鏡自拍全家福,真係估佢唔到。

largeheadboy said...

五號銀行同城市銀行都搞過攝影比賽呀原來,我諗係留意早排大陸銀行搞過咋,雖則我都唔會參加~

l.minor said...

Him:
其實又係架,比賽定咗d rule又可以唔洗跟,睇完真係...

漁農比賽你要試下呀!

l.minor said...

Coffee:
係呀,比賽係其次,最緊要d相係啱自己心水

妳都試下玩下啦!

l.minor said...

naruto:
我寫呢篇野,就係想你地鍾意影相嘅人一齊參加,重等?等你呀!

l.minor said...

Maisy:
日日都有咁誇張?

金管局果個就無特別留意到,不過如果咁樣自拍都有獎,又真係抓頭!

妳都參加啦!

l.minor said...

largeheadboy:
大陸銀行係咪果個海岸公園果個?之前都有睇過個比賽,不過巳經過哂期,反而我想跟佢地去睇海岸公園多d

Maisy said...

有另一個地質公園攝影比賽,未過期的。

呢類好難影,因為高手林立。

l.minor said...

Maisy:
對!通常呢d比賽高手林立,不過我更享受去看地質公園!