佐敦谷公園半日遊

見星期日天氣好,想曬曬太陽,殺殺菌,但又不想走太遠,想到了之前阿Him介紹的佐敦谷公園(請按)。由太子坐巴士27號,大約廿多分鐘便到了順行消防局,只要向之前的行車方向行一兩分鐘,便會見到正門。
公園有指示牌寫是建於堆田區
走入正門,看到左手邊有一小型看台,在我們後邊有很多拿著小形行李箱的年青人趕到看台那邊,原來那邊是一個搖控賽車場,以前見搖控賽車發燒友只能在小人的露天停車場練車,現在有這個場地,簡直是他們的天大喜訊。
模型賽車場有PIT AREA,利害!
車主們在看台維修佢地嘅戰車
身經百戰的戰車
設計認真的比賽賽車場
車速太快,炒車了~~等待救助中

另外,還有一個室內賽車場,可能賽道太易,比較小人在室內。
另一邊的室內賽車場,只得一位的參賽者

走過室內賽車場,再跟著路走,便會見到一大片草地,初時也真的半信半疑草地真的能走在上邊嗎?當看到草地旁的設計,便知道真的可以在上邊走,走到整片草地的中間位置,我忍不住坐下來:

未到大草地,巳經有好多紫色小花在迎接

不一會收到表妹的電話,想去郊遊,那就順理成章叫她直接過來便是了,何需走太遠呢?她臨掛線時,再用懷疑的口吻問多句:「真的是順利紀律部隊的宿舍那裡嗎?」

大草地,有人在散步
有人在追打肥皂泡泡
有藍天加肥皂泡泡
還有傻佬在享受陽光
公園其中的一部份草地
這個公園絕對是好地方,小朋友可以到處亂走,大朋友又不用怕小朋友跌親(但可能怕走失),模型車發燒友又可到另一邊鬥車,攝影發燒友又可到處拍照,情侶更可在大草地談心,政府應該發展更多呢類公園,給香港市民減減壓。

當日由於太過即興,所以沒有帶相機,只用電話影,電量由85%影到得番16%...所以下次再黎,一定要帶相
臨走時,太陽開始同我地一齊回家
金光鯉魚雲
Bonus of the Day

後記:原本呢篇應該昨日寫好,可惜太多煩瑣事,又要今日先寫好

19 comments:

Ebenezer said...

What a happy family day:)

卡臣 said...

片大草地好吸引喎

用電話影相都唔差呀

laulong said...

haha, 正正正,多謝分享!

另外,阿表哥同表妹,可有...

Him said...

喜歡肥皂那張。
原來有說明前身是堆田區,我沒發覺呢!

Coffee n Tea said...

嘩!可以演嘢啦!:)手機都拍得咁好,真唔抵得你!
有藍天加肥皂泡泡及幾張天空照好靚!

ps︰果個傻佬係咪你黎架?

largeheadboy said...

咁大個草地咁正?要去吓喎
橫掂又近我地頭

係喇,手機都影得咁靚~

naruto said...

樓上:堆田區,啱你去

L生:
個儍佬你嚟架?有無蟲咬?

馬田亨 said...

個公園係我樓下我竟然一直唔知.....

l.minor said...

Eben:
:P 你地都一家大細去行下~

l.minor said...

卡臣:
片草地好舒服,香港後花園呀!

天氣好,所以出黎都唔差,不過影時都係估估下,陽光太猛,睇唔到

l.minor said...

laulong:
果度好舒服架!唔知去賞月得唔得~中秋可能好爆!(不過果度寫到明唔可以明火)

哈哈,雖然從我字面上得表哥同表妹,實際上重有...

l.minor said...

Him:
多謝你介紹,你唔寫我都唔識去,更加唔知,好享受果日好好陽光,而且好享受果度嘅大草地呢!

l.minor said...

Coffee:
唔係啦~果日d相好,主因是天氣非常好,環境又很好,唔需要技術,我只是按個制

果個傻佬就係我,因為我太愛訓草地呀!叫人幫手影我訓草地~

l.minor said...

大頭哥:
我唔知你有無誤會到...佐敦谷唔近佐敦...佐敦谷是在順利(村)消防局,由彩虹方向入西貢在清水灣道就會見到的...如果旺角太子出發,可坐27號九巴在順利消防局落車,向後行1-2分鐘就得

雖然,佐敦谷唔近佐敦,不過都值得去睇下呀!

l.minor said...

naruto:
唔洗問L生,個傻佬當然係...我...

草地好乾淨!不過有d吉,有小小蚊之仔,不過唔係好毒果隻,我都係得一兩粒,而且係臨走時先有,可能開始收陽光

l.minor said...

馬田亨:
哈哈~~你要搵日過去睇下先得...

平帆 said...

我都搵次下午偏傍晚時分去吓先得。

l.minor said...

平帆:
哈哈~等你的相同文章

Anonymous said...

thanks for share........