大澳遊之二 - 遊玩篇

雖知道今日不會消耗大量體力,不過經過十個鐘的消化,一定要先搵地方醫下個肚;朝早係東涌港鐵站旁的外賣店買了蒜蓉飽及咖啡,在噴水池旁,邊吃邊曬太陽,感覺到今天與平時的不一樣。吃畢了,就開始45分鐘的車程到大澳。
大澳景點圖(車站旁邊)

到達大澳,決定了先由巴士總站向舊碼頭進發,由於是星期日的關係,大澳賣手信的人真不小,有即食的、有醫肚的、有大澳特有的、有拿回家享用的;走過一些賣即食燒蝦乾的,停下來買了一點,再隔離便是專賣糯米糍、茶菓的店,其實本身吸引到我的地方,是免費的桑寄生糖水,不過最後我一碗都沒有喝,因為給人制止了,免得我受肚痛之苦。
糯米糍、茶菓店旁邊的貓貓(因貪食之故,所以忘記了影糯米糍,記得時巳經吃光了)

當越走越近舊碼頭,人跡也越來越小,間斷會遇上兩、三位遊客、拍照友、情侶,不過也匆匆的來、匆匆的去。

還記得之前看過報導,大澳的舊警局會變作酒店,給旅客租住,現正進行裝修,在舊警局向將軍石的一段路巳封,另外二千元一晚的酒店,你會住嗎?

舊碼頭又正進行大工程,加上大風,真的不宜久留,不過我還見到一車車的船,出去看白海豚,不知道有幾多人可以看到白海豚呢?記著不要誤當波濤洶湧的海浪是白海豚才好。


由舊碼頭再走回市集,人群比之前更多,不知道是否因為上星期「和味」的介紹,一團一團的人圍在不同的食肆前,而我的視線卻留意到其中一間 - 大澳餅店


「和味」好像沒有介紹過,不過naruto卻有介紹過,沙翁味道非比尋常,所以一定要一試由於之前的一批巳經售罄,老闆娘再即制新一批的沙翁,當時現場巳圍了十數人,正等待新鮮熱辣的沙翁,結果完全沒有浪費我肚子的空間,好味道呀!(不過沙翁是否一定有鹼水味呢?)
圍咗大澳餅店等沙翁的人

翁制作中
金黃色的沙
 吃過沙翁,繼續的向前走,目的地是上次巳經到過的蘇盧,想坐坐河邊,嘆一嘆咖啡,休息一下。由於假期再加上好天氣,結果一個空位也找不到,幸好有食客讓座,所以不用再等。
蘇盧對出的河景

食飽再向新基大橋出發,見到有人曬咸魚,有人用沙炒魚肚,正想繼續向前行,可惜被惡犬嚇怕,結果還是原路走回市集。
新基橋上

新基橋那邊的餘暉
整天的吃吃喝喝,原來巳經到黃昏,冬天的黃昏始終不及夏天,因為空氣中多微粒,所以經常一片白濛濛,幸好那天亦有幸見到美麗的黃昏。
斜陽影照的新基

待續...


12 comments:

Ebenezer said...

我有幸在大澳見過白海豚,不過係游得好遠果隻。

平帆 said...

貓貓個樣好享受!

隨風 said...

沙翁很好吃喔,
我也很喜歡吃的呢。

^^

Coffee n Tea said...

整沙翁果張,個紅衣女仔點解嬲咗成村人咁?

naruto said...

沙翁無介紹錯啩!

我都喺大澳見過白海豚,喺猴王廟行到對入果邊,雖然都係遠觀

寫到黃昏架囉喎,仲有下集?

l.minor said...

Eben:
原來真係有架?我好耐之前坐過兩次快艇出去,不過淨係見到d浪,自此我覺得d船係老點

l.minor said...

平帆:
哈哈~貓貓相重有黎緊~

l.minor said...

隨風:
那妳應該愛吃甜味的東西
新鮮的沙翁更張味道提升數倍

l.minor said...

Coffee:
唔知喎!可能佢見我影相掛~又或者等得太耐lu~

l.minor said...

naruto:
沙翁好味度爆!!!不過沙翁係咪一定有鹼水味架呢?如果冇就更好!

猴王廟係咪即係舊碼頭同警署旁邊條路入去果度?而家條路封咗,相信要等警署重開,即酒店攪掂,先可以再行呀!

雖然寫到黃昏,其實當中我好多野都skip咗,無交代度,哈哈!有樣野你好鍾意嘅,你都成日影嘅!

Him said...

貓貓好得意~
酒店2000蚊唔近市中心又冇海景,鬼住!

l.minor said...

Him:
果幾隻貓真係幾得意呀!2000蚊我估都係搵鬼(鬼佬)住多呀!