「京都」一日遊

由於之前一晚有微雨,所以原先拆禮物日能否成行去影紅葉都係一半半,結果起身天氣卻係出奇地好,所以立即「買機票」去京都,即日來回京都<->香港。

三葉楓
「楓」情畫
紅葉啊
紅葉落索的時候
最紅嘅楓葉
黃一點嘅楓葉
最黃嘅楓葉
很秋天的味道
成天都係楓葉
紅葉處處
好多「日本人」都係度影楓葉啊~
最多紅葉嘅地方
繼續紅葉
當然京都一日遊一定冇人信啦!其實影紅葉嘅地點係元朗大棠 - 大欖郊野公園嘅一部份。據稱每年十一、十二月,就會有人黎影紅葉,我係上幾星期睇dchome時,見有人post紅葉相,所以搵資料點樣去。

首先,根據其他人講,其實大棠紅葉樹唔係太多,只係得幾棵,所以唔好期望會見到好似日本咁,否則一定非常失望。而據稱有一棵特別大嘅紅葉樹,係位於大欖郊野公園七號燒烤場,但我行咗兩轉都搵唔到~

雖然搵唔到,但我跟據之前網上教去大棠紅葉路線嘅blog照行,結果每行一小段,就會見到紅葉樹幾棵,越入就越紅~當日我就見到太約二十棵紅葉樹(當然唔係一次過,而係全部計)。

如果一樣想去搵紅葉,只要跟以上條link照住行就可以(請記住佢講嘅路同認住d相,跟路牌行去「大欖涌水塘」);而我就skip咗去程K66的一part,直接由元朗西鐵站搭的士入去,車費太約$50,返出黎就搭小巴(紅Van - 大棠<->元朗,$4.5一位)到元朗市(K66亦可以)。
仍是紅葉

跟據資料所得,香港紅葉並唔係真正嘅楓葉,香港紅葉只係「三爪」嘅楓香樹,並唔屬於楓樹科,而係金縷梅科,但因為形狀似,而且秋天會變紅,所以好多人都以為佢地係楓葉科,其實佢地係「A貨紅葉」;而係日本、加拿大同韓國所見到嘅紅葉卻係「五爪」或者「七爪」,同香港「三爪」嘅「A貨紅葉」係好唔同(資料係Utravel搵到)。
我的最愛

29 comments:

laulong said...

minor:

「繼續紅葉」同「我的最愛」都好靚啊!

祟基也有類楓之樹,秋來也會泛黃,聽說附近的松仔園也有。

l.minor said...

校長:
多謝讚賞!
呢輯相我自己非常鍾意~你講果兩張特別鍾意呀!

之前同事知道我想影紅葉,亦叫我到中大看看,很美的!下次我會去試試,碰碰運氣

naruto said...

香港嚟講都算多啦,我喺香港仔水塘見過。。。一棵咋

搵轉真係去京都影番轉啦

largeheadboy said...

啲紅葉形狀有啲似恐龍腳印 :p

可以去行下喎又~

Him said...

謝謝介紹!
中大都有,可以一月去。

不過京都的是靚楓葉,葉子無斑,
香港紅葉應類近韓國。

SKII said...

謝謝分享,在網上見過,但沒介紹如何去,有你這個真是“得來全不費功夫”,尤其是我其實住在他的不遠處(和住在市區的人相比)!

SKII said...

噢,忘了說,我也最愛「你的最愛」!

Otto said...

哇~~又真係又啡又紅喎~~~雖然唔係正貨, 但係都有七分似丫, 不過唔知我下一兩個星期去仲有冇呢~

話時話, 有幾張用魚...睇到我頭暈暈,以為中左萬花筒寫輪眼~

卡臣 said...

真係俾你呃到

我真係以為你富貴到即日來回

l.minor said...

naruto:
京都你去走轉先,我跟!

真係要計劃下,不過一去,好似放自己d血咁~

Ebenezer said...

影得好靚呀,你以後唔駛去日本影啦:)

l.minor said...

大頭:
我睇番close up果幾張,又真係有d似恐龍腳印喎!

去行下啦!果度行山都幾舒服架!

l.minor said...

Him:
Thanks!laulong亦有提議我去中大看看!

其實我未正式睇過真正嘅楓葉,不過見dchome forum講影紅葉,自己就貪得意去,影紅葉時都覺香港紅葉咁多黑班嘅!?

京都紅葉一定靚d,最小可以見到成個紅葉林,香港最多都係五六棵一齊,巳經係極限~而且我果d始終都係A貨,哈哈~

naruto said...

京都我去過三次啦,唔揀佢啦

l.minor said...

SKII:
咁近妳,真係可以去行下呀!當行山都好吖!

提一提條路線,如果唔怕行,又想行下當運動,搭K66由大棠山路站落車,跟車路上,全程係向上行,所以比較辛苦,行到去大欖郊野公園閘口(右手邊係郊野公園停車場),太約要行45分鐘,如果繼續行入去睇紅葉,就行多45分鐘至一個鐘(散步形式行),來回就要差不多3個鐘。當然如果抯車/搭的士,就可以慳番上斜路果程,而且慳回時間。

l.minor said...

Otto:
「A貨紅葉」又真係有d似,特別係佢紅

我見d樹都重有好多葉,應該重頂到掛

我走時聽到其中一家黎睇嘅家庭講,上星期都無咁紅,今個星期又紅咗,而且多咗好多人黎睇咁話!

如果唔係,又或者聽laulong同阿Him建議去中大睇下,又或者附近的松仔園

l.minor said...

卡臣:
真係來回,中機去,再中機返,豪華位呀!重包地道美食呀!

l.minor said...

Eben:
呢d「A貨紅葉」玩玩而巳,日本果d真係要去睇下先得呀!

l.minor said...

naruto:
三次咁多?其實你都成日去日本喎~

泰國係你鄉下,
日本係你個家,
香港只係黎渡假?

夠唔夠壓諳先?

Coffee n Tea said...

嘩!!真係美不勝收喔!
(看你的blog,我有感自己辜負了部相機辜負了光陰:p)

平帆 said...

從前聽過石崗也有。

現在去京都紅葉會不會已下光兼且落雪?

l.minor said...

Coffee:
我就係唔想部機係度放,所以要成日拎住部機出去,今次三日假期,拎足三日

l.minor said...

平帆:
石崗也有呀?有機會都要去睇睇!
我都相信京都紅葉應該落哂lu~

naruto said...

以前富貴D,咪去日本囉

而家。。。

SKII said...

我昨天去了一趟,時間太遲,找不到多少,但非假日,路上沒多少人,感覺很好!剛貼了,還引用了你的文章。

l.minor said...

naruto:
而家忙到無時間姐~

l.minor said...

SKII:
如果妳早d去可能好d,陽光多d,影出黎會再靚d~

其實我去果日都唔算非常多人,間唔中幾個, 間唔中幾個咁啦~(但我聽到行山嘅人講, 今日好多人黎行山/睇紅葉喎)

Maisy said...

天氣好,葉又夠紅,眼前一亮呢。
我都準備去大棠影紅葉。

l.minor said...

Maisy:
近排天氣差,另外怕妳白行,因為d紅葉唔知重有幾多...