石澳的日出

睇日出係自己一個多年心願,一年的第一天日出更是別具意義。心中巳盤算了三個觀日地點:
1 - 鳳凰山,要坐尾班巴士,在伯公拗下車,再行太約兩個鐘頭山路,似乎不是最好選擇;
2 - 大帽山,車路窄,再遇上觀日人潮,恐怕交通非常擠塞,最終不上不落,又放棄了;
3 - 石澳,對於九龍人來說是有點遠,不過那裡比較之前的兩個地點,算是比較容易到的,所以最後的目的地是石澳。

零晨兩點多的元旦日,外邊陣陣寒風,要先行吃飽才正式出發,而新年的第一餐便奉獻給茶餐廳了。看過天文台的資料,日出的時間大約是七點零二分(這幾天也是差不多這個時間),而我們到達石澳的時間大約是四點鐘,除影日出外,也可以試拍星軌;雖然我對石澳不算陌生,不過夜晚的石澳又是另一回事,因為抬頭一看,滿天也是星星。
在石澳巧遇流星(其實呢張唔係真係流星,不過我就真係見到流星呀,所以搵呢張頂檔)

沿樓梯經過石澳石灘,走到大頭洲的那個方向,眼見巳經有十多位影友巳經到達,再走廿多分鐘,走到了大頭洲的一個涼亭,原來又巳經有十多人給我們早到達,他們正在談天、觀星以及紮營,正一起等待著黎明來的一刻。
放大行可看到很短的星軌(白光是突然有人用電筒照向我的光向)

手痕換了另一枝鏡影,出事了~而且完全無構圖,肥佬!
在涼亭旁找個有利位置,可以望向東邊,又可以拍星軌,正當巳為萬事俱備,突然一群又一群數十的人潮突然到來,張這個寧靜的地方變成街市一樣,有人卻拿著電筒亂照(大哥,我在拍星軌呀!?),又有人在我隔離抽煙(我唔介意你食,不過請遠離我一點!),又有人亂衝亂撞(好似地鐵衡閘一樣,恐怖~),我的腳架也差點給他掃跌,結果表妹夫提議看看其他地方,結果找到了一個同是對著大東方,卻完全沒有人阻著前方,更沒有嘈炒的聲音在煩著。
2011年晨光第一線

大家正忙於增取時間
晨光的一刻,真係醉人
正當以為看不到咸旦黃,正想離開之際,突然聽到有人大叫,Yeah!
太陽出來了
整個紅紅的
今次與平時影相有很大的分別,由於沒有拍星軌的經驗,用錯了鏡,結果拍了幾十張垃圾相;因為相機要長時間曝光,而我又要每張有連貫性,所以關了相機的「長時間曝光減噪」功能,但後來影日出時,又忘記了啟動回功能,結果有一批相卻明顯很多Noise;又由於想增取時間,結果自己有點急,卻弄花了我其中一枝鏡頭的鏡頭蓋,雖然是鏡頭蓋外邊,不過也很心痛:<
海水也給染紅了

後記: 今次看日出很開心,自己學到了一些影相技巧,也看到了很多人是很沒公德心的;之前說那個不斷用電筒亂照的人,結果有人早我一行,對著他大鬧:「喂~影緊野呀!點影呀!?」,那個”電筒亂照人”其實也是影相人,而且頭帶一個頭燈,手拿一個電筒,最過份是不止一次用電筒近距離穿梭,抵炳的!
難忘的一個早晨

另外,初時在大頭洲的涼亭旁,我雖面向東方,不過如果前邊有人,我也會給人擋住,但為什麼我不走前些?因為我想有條路給人行,可惜後來那班人群,真的踩你都有味!不斷的大叫:「呢邊呀!正呀!」原來當你為人設想,其他人未必會有相同的想法。

後記:
2011年1月1日天氣
風   : 吹和 緩 東 至 東 北 風 
天 氣 : 天 晴 及 非 常 乾 燥 。 早 上 天 氣 寒 冷 。
氣 溫 : 12 至 18 度 。
相 對 濕 度 : 百 分 之 40 。

31 comments:

Coffee n Tea said...

太靚喇!我曾睇過日出咸旦黃跳出海面那一瞬,很壯觀,此生難忘!

卡臣 said...

咁靚, 更涷都抵

對於你們的勇氣, 我致敬

largeheadboy said...

厲害啊!初日的確係唔同啲

香港人越嚟越沒有公德心啊!

l.minor said...

Coffee:
如果見到太陽由海面升上黎,應該俾我見到呢個更加正呀!真的此生難忘!一生人總要有一次的!

l.minor said...

卡臣:
其實有d野我無提到,成個石澳大頭洲,應該有成二百人,睇日出同影日出

l.minor said...

大頭:
我係你地方(大頭洲)睇日出,你唔介意啊!:P

對住d無公德心嘅人,真係好想鬧佢,不過都係慳番d氣,就算話完佢,佢都係唔踩我架啦!自己攞黎激氣

平帆 said...

"原來當你為人設想,其他人未必會有相同的想法。"

是啊,見過不少人,有老有嫰,都鍾意「舔到盡」,非常自私。(不過我最鍾意玩果班人。 XD)

laulong said...

minor:

你有四處去獵影的情懷多好,我就已仿似老僧入定了!

naruto said...

即係第一日就遇到自私人,真激氣呀

Him said...

從你相片感受到流星和日出!美!

SKII said...

Yeah!個咸旦黃好靚!
啲星軌都係,你說不及格那幅,我倒覺得幾特別。

Otto said...

算啦, 好多香港人都係咁架啦, 唔使動氣, 下年最多去另外一D遠少少既地方唶. 不過我相信鳳凰山, 大帽山呢D熱點都一定會多人到爆,再唔係可以入蒲苔,又或者去東龍島都唔錯架~

我都鐘意果幾幅大頭太陽相喎~

l.minor said...

平帆:
當時我的唯一選擇就係唔出聲,跟住轉位,搵位大個天!哈哈!xos

l.minor said...

laulong:
我相信你看的事物比我多,或許這些日出巳看了不知多小遍

喜歡四處獵影,因為覺得是最能放鬆自己的一種方式

l.minor said...

naruto:
好在睇到日出補番數

l.minor said...

Him:
謝謝啊!

l.minor said...

SKII:
妳又搵次同屋企人去睇下,日出同日落個感覺係唔同架

星軌圖第一張星軌太短(其實那枝鏡很合適影星軌),另一張星軌圖好明顯有一張/點移了位,而且枝鏡又唔係太啱影;呢一張唔話俾人知係星軌圖,人地都唔知係咩...

l.minor said...

Otto:
Thanks!你搵次去睇下日出,感覺又唔同日落

蒲苔東龍島呢d同行人唔係個個頂得順,所以有d難度,哈哈!

Otto said...

咁就要等2012年啦~~ :)其實打的去萬宜水庫都好~果度應該都幾靚既~唔使點行又唔會太辛苦, 不過去到最怕餵蚊咋~

瘋go said...

喂喂, d相靚喎, 勁!
補說Happy new year!呢幾日冇開自己a/c, 遲咗睇留言, 唔好意思。

ayclui said...

Hello~ 我o黎踩場啦...:)
星星相靚丫...日出我就睇過啦, 滿天星就次次都食詐糊...有一次特登去西貢白腊過夜諗住實無光害啦, 點知無睇日曆...果晚係十五...個月亮好似太陽咁光...變咗賞月...^^"

l.minor said...

Otto:
我都有諗過打的,不過...司機會唔會唔肯去?佢都怕"湯"死牛

l.minor said...

瘋go:
thanks!無問題啦,得閒過黎睇下

l.minor said...

ayclui:
Welcome呀!
白腊正呀!雖然我未去過,不過都知果度應該唔錯,係去露營定點?有冇食海膽?睇星變賞月,哈哈!

Ebenezer said...

一年第一件事你係諗影相,証明你真係好發燒^^

l.minor said...

Eben:
其實想留住美麗又特別的一刻

Maisy said...

估唔到石澳咁早(夜?)都會人頭湧湧。石澳咁近我,但我一次都無去過影日出,也許,呢d活動要外遊先能提起精神去做,自家的地方,成日覺得唾手可得,反而唔會積極去影。

P.S.我出關喇,日後會常來拜會。

PoCaRi said...

劏死牛就應該唔會, 其實果段路都有好多行山人仕入去打的入去丫, 好多都會係東壩先開始行去浪茄同大浪西灣囉~所以D 的士佬好多都會去架~

l.minor said...

Maisy:
哈哈~~果日一年第一日,所以多人呀!搵個好天日子,去石澳影下相,Refresh吓!

l.minor said...

Otto:
下次試下先!

阿葉 said...

小額加盟居家網路創業免費試用中
學習簡單只要複製成功模式
免費加入體驗 http://wahez.weebly.com