不良的旅行社的銷售手法

由於這個新年旺季自由行計過不化算(旺季旅行本身巳不化算),而且機位差,晚機去,早機返(朝早十時回程),所以最後打消自由行,轉為跟旅行團,最重要可以減小兼顧四個老人家的工作。

聞說"X橫遊”口碑不錯,不比"東X遊”差,結果未出發,先氣憤!
 
- 報團第一天,巳問旅行社職員有多小人巳報名,原來包括我們六人在內,巳經有二十六人報名,所以應該成行不難。

- 直到上星期交尾數,旅行社巳出單confirm機位及酒店等等。

- 出發前12天,收到旅行社不能成團電話,原因是book不到酒店。

- 旅行社提出建議,就是有三:

1. 加錢upgrade酒店及行程,轉到另一團;
2. 轉旅行的地點;
3. 回水;
 
與屋企人相量後,因為假期巳定,又不想掃興,但加錢轉另一團,卻令我非常不爽,問旅行社有沒有discount給我們,得到的回覆只是會跟我當日報名時的團費補差價,結果那個旅行社職員給我鬧了20分鐘。
一個小時後,旅行社職員沒有再打給我,聯絡了我太太,結果給了我們discount。
 
其實整件事,我覺得有被騙的感覺,因為我覺得旅行團巳計劃有團出發,居然用酒店沒有房供應來作借口不能成團,簡直荒謬! 
 
又有朋友說,有部份旅行社的作風用平價作招來,跟住cut你報了的平價團,再迫你轉去貴團,因為知道你巳請假,應該也會就範,情況就好像外國人去不良的店舖買相機,先用平價吸引你付錢,然後說沒貨,迫你買貴一點的model,所以手續依舊,但估不到發生係呢間旅行社,下次想搵呢間旅行社的朋友請留意一下,又或者搵一間貴小小,但有信譽的旅行社會好一點。(其實我仍未出發,而我食相信旅行團的行程應該OK的,而旅行團的行程也給朋友看過,食住也很好,不過我只是覺得原先買的蘋果,卻要我加錢買西瓜,卻令我很不爽)

18 comments:

naruto said...

加幾多先?少少就話啫,一行幾人每人多幾百都幾係野

PS:你去邊樹?

l.minor said...

初初話一個人要加多$2000,而家都要$900一個人,但食同住係好咗,原先係四晚入邊,得一晚溫泉,而家就兩晚溫泉,另外市區間酒店都好在

去大阪吖馬~聽日我打個行程上黎俾大家望望

largeheadboy said...

都幾過分喎,如果唔嘈咪要照畀 $2000?

SKII said...

加 $2000?好過份喎!最憎呢啲手法,所以近呢一年我冇去過旅行,因為自由行又貴又費神,跟團的話旺季就好似你咁,淡季又唔成團!

Coffee n Tea said...

近呢一年我冇去過旅行x2

唔知點整嘅呢?我開始唔鍾意旅行,趕頭趕命都唔知為乜:p

Ebenezer said...

X橫遊!收到,立即放入Black List!!

naruto said...

$2000?又實在離譜呀

平帆 said...

無錯,要 blacklist 呢間 X橫遊!X橫遊已經墮落到同籍籍無名的公司仔一樣衰格。

l.minor said...

大頭:
咪就係囉,經過我鬧咗佢20分鐘,佢一打黎就叫我地唔好咁興!講真,佢想有誠意d就應該自動discount啦!

l.minor said...

SKII:
今次旅行是屋企人提議,其實本身我自己唔鍾意跟團,下次話跟團去旅行,真係諗過先!至於呢間野,唔洗指意再幫襯!!!

l.minor said...

Coffee:

如果我自由行,通常會慢慢走,唔會SET到個SCHEDULE好爆,我都唔鍾意走馬看花的旅行,去完好似絛去過咁

l.minor said...

Eben:
同朋友傾開,佢話有部份旅行社唔夠cash flow,都愛用呢d手法

我原先報果個是特價團,特價團嘅特色叫做平小小外,重有係唔可以簽卡,cash/EPS/cheque,聽完覺得不謀而合

l.minor said...

naruto:
$2000完全是不可理喻!

l.minor said...

平帆:
似乎你也曾中過招喎!呢單野,攪到我非常唔順超!

Him said...

discuss HK日本版有很多提及這間旅行社的評論。
自從2005年跟東x遊後,便沒有再跟團旅行。(我爸媽之後再幫過都ok的,我想會好過你那間吧)

l.minor said...

Him:

我對呢間旅行社嘅印象仍然停留在盤古時代...今次搵旅行團,自己唔係太上心,所以中招

唔計上次公司旅行,我只跟過東x遊,對佢地嘅印象非常好,又體貼,大大小小都跟得足,今次報呢間,只怪自己太快落鎚,未特別搵過其他

Maisy said...

果邊天氣咁凍,而且同行的是幾個「老人家」(真慘,可能我仲老過佢地),似乎跟團舒服d,否則成家人天寒地凍拖住沉重行李等車,怕佢地受唔住呀,夏天自由行就無所謂。

曾經參加過康泰團,據領隊講,全港辦日本團最好的旅行社,係康泰,佢話東x遊坐的機,是沒有國泰的(三年前,現在唔知)。

我通常跟團都搵康泰、永安,試過參加新x、星x,發覺真係差d。話明已成團,突然又話不成團,真係未遇過,加二千又真離譜的,一家人夾埋加萬幾銀。

我都覺得自由行要費神,跟團又怕攞晒假但唔成團,真係煩。

l.minor said...

Maisy:

康X我無意見,永X,新X,星x都就一定唔會報,對佢地感覺唔係太好

呢次旅行,未出發巳俾佢地攪到興興地!