香港奇景之一

上年11月以及今年2月去旅行跟團時,台灣以及日本的導遊不約而同講述香港其中一個奇景 - 金鐘地鐵站。

每次外國人係繁忙時間置身其中,都會被嚇怕,一開地鐵車門,成班人爭先恐後衝出;係月台亂衝亂撞;而另一邊要進入車廂的,無人會跟據箭咀指出排隊,一開車門就好似打喪屍般衝進來;聽日本導遊說,他曾帶日本朋友坐地鐵由九龍到金鐘轉車,最後他的日本朋友被成千上萬的人嚇呆了。

今早因為遲了出門口,結果我見到更恐怖的事,在金鐘月台有人打起交來,維持十多秒,最後有幾位地鐵職員拉停了,其實他們打交的理由都是因為推撞發生,不知道地鐵有沒有做統計,每日有幾多宗打交事件的發生呢?

26 comments:

Coffee said...

>>一開車門就好似打喪屍般衝進來!

哈哈!很多人打喪屍長大的,不知不覺上咗身!

largeheadboy said...

放工時候金鐘站等上車嗰舊人潮厚到好得人驚,絕對係避得就要避嘅地方之一。

Ebenezer said...

我想起中華英雄「浴血鋼牛谷」嘅震撼場面!

阿貓 said...

香港早有人滿之患,無事少出街。

卡臣 said...

中華英雄「浴血鋼牛谷」<---羅漢之死

naruto said...

真係會傳染架,去到果度一定會行快D,雖然當然唔會撞人

平帆 said...

曾經有段很短的時間(地鐵日日賣廣告要先讓乘客下車,未有自由行之前),真的有人會讓乘客先下車,但維持約一年到就崩潰了。

PoCaRi said...

你去錯地方, 去左國際喪屍轉運中心呀!!

果度未係自由行之前都好好多, 一多左自由行之後, D人唔搭旅巴轉左搭地鐵, 要左閃右避先行到去那個厚厚的人牆, 還要等上3班車才入到去"企"!

我寧願搭多一個站, 行多兩步係中環轉車, 返工放工比自己過得舒服一點, 心情也會好一點啦~

隨風 said...

擠人的地鐵阿~~~~

laulong said...

吓?打交?我憎人打交架喇,我實打死佢 XDDDD

l.minor said...

Coffee:
哈哈~我本來想寫,好似打喪屍遊戲入邊咁,d喪屍係咁衝過來...

l.minor said...

largeheadboy:
我有時會坐去中環搭,有時就搭香港線,返工就早dd返,如果唔係真係會殺人呀!

l.minor said...

Eben:
「浴血鋼牛谷」,羅漢用自己條命,踢死哂d牛...今日我都重記得

l.minor said...

阿貓:
搵食,唯有早d返,遲d走,又或者用多d時間去早一個站搭車

l.minor said...

卡臣:
哈哈,羅漢之死,好睇呀~

l.minor said...

naruto:
係呀!不過最近我都重係懶洋洋行過去,除非我真係好趕時間

l.minor said...

平帆:
其實我覺得自由行嘅人係多咗坐地鐵,但唔係主因,因為見到香港人總係飛跑的,其實香港人好應該向鄰近地區的公民教育學習,好像坐車也不懂

l.minor said...

PoCaRi:
我覺得自由行係搭多咗地鐵,亦都遇過d自由行好過份迫入黎,不過我遇到更差的香港人更加多,衰到七彩

l.minor said...

隨風:
沒辦法,坐巴士太長時間,所以地鐵是唯一選擇

l.minor said...

laulong:
吓?打交?我憎人打交架喇,我實打死佢 XDDDD<-又攪到我笑死~笑咗一分鐘XDDDDD

馬田亨 said...

金鐘真係好恐佈,最勁就係成日有人打尖(定係d人發現唔到有隊依樣野?),見識過幾次,怕了!

Maisy Lam said...

我都好鬼怕人多逼車場面,免得過都唔好在繁忙時間去呢d地區。

l.minor said...

馬田亨:
我都會避得就避,可惜返工就避唔到,唯有前d返,遲d走

l.minor said...

Maisy:
妳應該好過我,因為妳返工可以避開最繁忙的金鐘

SKII said...

我極之極之怕喺金鐘轉車,超恐佈!好彩我朝早係搭邨巴返工,放工就倒的話一樣,如果遲走,都係搭西鐵或巴士...

l.minor said...

SKII:
去到金鐘,真係怕怕