汀角の相集

正如上篇所講,漲退潮沒有攪清楚,所以海星,「鬼口水」都欠奉,不過當是一次郊遊也是不錯。

75K巴士汀角站下車,走到馬路對面,看到一條小徑向海邊方向直走便是,不過被馬路邊的木棉花吸引著:
那天才知道這叫木棉花
再沿小徑向前行,看到左手邊一間小屋,而呢張相似曾相識?哈哈,呀大叔,當時我都其實見到隻怪貓,可惜好快俾佢甩...
怪貓好花閃了到龜的左手邊
基本上小徑盡頭就是泥灘,可惜水不斷的漲過來,不能走得太出,後來還被草叢的一個外藉人仕嚇了一跳,因為佢訓在泥灘上邊,如果唔係佢旁邊有架單車,我還以屍體發現...

既然向前再走不到,唯有原路出去,看到路旁的小黃菊也很不錯
八仙嶺作背景的小黃菊
再由原路出去,腦裡盤算是否走錯路,因為沒有士多啤利園,也沒有賣菜的地方,而燒烤場就在前一點,所去再向前走看看,原來燒烤場旁邊就是士多啤利園
士多啤利園門外的假士多啤利樹
當日有很多本地旅行團,又有自由行客(本地自由行),眼見本地的士多啤利也不差,聞上去的味道也不錯,可惜...我還是沒有買...
士多啤利園
Facebook 之前有玩過 Happy Farm,見過士多啤利的花,原來真實的士多啤利花與Happy Farm所見的是一模一樣的
與Happy Farm見到的士多啤利花是一樣的
燒烤場與士多啤利園後邊,有一條小徑通往小沙灘,再沿沙灘的草邊走過去,就會見到船灣淡水湖的石霸
一家大細在沙灘玩耍
在沙灘的草上休息,坐到發泡膠也坐爛了
我不斷的嘗試找海星的跡影,最後只見到一舊...
海上唯一見到的
當時正值潮漲,所以見沒有特別的東西可影,還是早點走回小沙灘,果然水又漲了一點,差點要洩水而過。

由小沙灘走到士多啤利園的門口,有一小排的小向日葵
蜜蜂原來好難影,又細,又郁得快,呢張放大會看到一隻的
門外的小向日葵

後記:由汀角走去大尾篤的途中,見到...
見唔見到?

呢張呢?
呢張都見唔到?
好恐怖呀!路邊都有咁大隻蜥蝪

14 comments:

新鮮人 said...

相片中的汀角很美,
有衝動想去走走,
漲潮也是另一番味道,
也很吸引!

Ebenezer said...

嘩!乜你咁好眼? 你唔講真係睇唔到!!

naruto said...

環境係咪幾靚先?

我都影緊蜜蜂喎,呢排

我都影緊大隻蜥蝪喎,呢排

我又有影你果排“小向日葵”,但佢地唔係小向日葵嚟架,我今晚寫一篇話過你知

潮漲到出唔到泥灘呀,睇唔到海星有D可惜呀,再去啦

Him said...

影得好靚!
希望冇地產商進駐啦。

l.minor said...

新鮮人:
搵個好天嘅日子去行下,
應該好舒服呀!

l.minor said...

Eben:
因為我係突登影佢,不過唔想crop到太細張

l.minor said...

naruto:
環境好呀!最好有間屋係果度,重好呀!好天又可以曬下太陽!

我都係第一次影蜜蜂,原來係咁難影,又細隻,郁得又快,對好焦又飛走咗。。。

蜥蝪都係咁啱行過,又咁啱俾我"喵"到佢係度曬太陽。

原來唔係小向日葵?好,等你今晚果篇睇睇

下次再去要夾好「時晨」,再擇個好日(好天氣)先得

l.minor said...

Him:
多謝呀!
希望啦~不過大尾篤龍尾上年好似遲多年會發展,不過唔知而家攪成點

卡臣 said...

保護色?
諗起某奶粉廣告

l.minor said...

卡臣:
邊個呀?BB有便便呀?

平帆 said...

隻蜥蝪其實應該驚過你。 :)

l.minor said...

平帆:
我想大家都係差唔多,佢就敵不動,我都不動

隨風 said...

你影d相好靚阿.^-^

l.minor said...

隨風:
搵日去果度行下,散散心