民華魚旦粉麵

曾幾何時,我也在大埔墟住上兩個年頭,不過印象中好像沒有幫襯樓下的魚旦粉麵,今次路過舊地,發覺大埔墟的每間食店都是人頭湧湧,而魚旦粉麵也開多了

好不容易才擠進一間像茶餐廳般的魚旦粉麵,看看周邊食客點了什麼,通常是我走進陌生食肆的指定動作,眼見每張枱都點了一個炒旦厚多士,原來這間叫民華的魚旦粉麵,有個外號叫「大埔澳牛」;另外,我對牆上貼滿了薑絲牛肉公仔麵的餐牌也心動,但早餐還沒正式消化完,還是覺得點輕便的魚旦粉麵好像比較好

一間如茶餐廳般的魚旦粉麵,居然送上來的牛丸米及片頭河是不同的湯底,未吃巳加了不少分數;牛丸米配上清牛腩湯,而片頭河就配上魚湯,味道比較起我常吃的魚旦粉麵,完全是高出數班,牛丸是手打的(唔知係咪佢地自制的),外賣一斤要HK$96(我覺得非常貴,但非常好味),牛丸有牛味之外,而且非常有彈性(那刻我想到了電影食神裡邊的李兆基與莫文蔚...XD),每粒也份量十足,每粒也吃得我非常滿足

至於片頭河味道雖好,但我的味覺早給牛丸俘虜了


p.s. 以上純粹個人口味

12 comments:

新鮮人 said...

我很欣賞有誠意的小店,
可惜大埔太遠了,
已經有十幾年無去過,
唔知九龍有無分店呢?

卡臣 said...

睇到口水流

naruto said...

唔知可唔可以揀唔要魚湯呢?

l.minor said...

新鮮人:
大埔變了好多,如果咁耐冇去,應該去睇下

分店呢...我知道旺角定佐敦有間同名,但唔知係唔係同一集團呢~

l.minor said...

卡臣:
搵日去試下啦

l.minor said...

naruto:
食牛丸啦!牛丸係牛腩湯~正呀!

新鮮人 said...

大埔是我小時候時常去的地方,
或者有機會會去走一走!

maymay said...

想問下佢用嘅米粉係爽口果隻定係軟身架呢?
我唔鍾意吃爽口架~~

平帆 said...

若我去到舊墟,多數會幫襯附近那間馳名盅頭飯小店。

l.minor said...

新鮮人:
搵日舊地重遊啦!

l.minor said...

maymay:
米粉係爽口硬身小小果隻,可惜呀!

食牛丸河都得!牛丸真係好彈牙架!

l.minor said...

平帆:
好野呀!舊墟的盅頭飯也知道,當日我見到盅頭飯人山人海呀~而且果日有d飽,所以食河粉之類