茅湖廢堡變佛堂!?

最近郊遊都遇著一個問題,就是我非常懶!所以每次只用自己依稀的印象,就出發了,結果總有問題出現。話說平帆十一月有篇攝行茅湖仔廢堡」,我又用依稀的印象,就出發了,結果...


坐巴士在寶林路的馬游塘站下車,記錯了馬游塘就是靈實醫院同一個站,再誤會了馬游塘村可以走到靈實醫院,好在突然覺得不對勁,還是再由寶林路向將軍澳方向走,終走到了茅湖仔村,再由茅湖仔村走到靈實醫院;跟著再由靈實醫院向山上的方向走,其實一整段都是石屎路,不算難行。事情又點會咁順利呢?原來我印象調景領的舊警署=茅湖廢堡,結果...



走到了舊警署,看到很多人在裡邊,但原來...她們正在摺元寶(唔係呀!?),而我好奇下問:呢度係佛堂黎架?」(其實外邊巳寫明是佛堂,這個問題好像有點廢,但當時我只想到為什麼廢堡會變了佛堂?)但我依記憶又一閃過來,記得平帆由高而下影了廢堡,而佛堂堂主又叫我隨便參觀,那我就直接了問可否上樓上參觀,結果被拒絕了(我估計樓上是他們住宿的地方)記憶突破又回來一小片,我記得看完平帆的那篇茅湖行」時,看過地圖是有佛堂的存在,所以我知道自己應該又攪錯了地方
由茅湖仔村向下走
樓梯下邊隻貓似乎唔係太鍾意我
像荒廢的青年營
途中不同顏色的小花
遠眺尚德村、將軍澳運動場
佛堂裡邊的貓及狗
其中的一隻貓,很可憐,其中一隻眼失明,又有一隻腳報廢了
我初時以為是廢堡,其實是調景領舊警署
在Google map找到這條有欄杆的樓梯,我估計應該是這條路上廢堡
後記:返到家再看一次平帆的blog,當然知道自己攪錯了,其實應該在到佛堂前的一條樓梯再上,就可以去到正確的廢堡,所以,I will be back...

16 comments:

naruto said...

貓貓好可憐呀,咁細隻就又盲又跛

我都論盡架,去塔門唔知佢條路係一個圈,差D想行回頭路,ON居

largeheadboy said...

呢隻花細過成日見
呀媽話係臭草花
不過我覺得好靚~

卡臣 said...

那隻傷健貓很可憐耶

naruto said...

to大頭:
以前阿公教果隻花係頭暈花,唔好去索,但如果行到見暈唔夠糖,啜佢D花蜜可以頂下,好甜架

ayclui said...

樓梯下邊隻貓好得意, 肥嘟嘟~

平帆 said...

下次再去吧,可以順道遊五桂山(逆行衛奕信徑第三段),風景不錯。

Him said...

我好像也有看別人blog,依稀記下去的方法,卻最後去不到的經歷。

l.minor said...

naruto:
係呀,貓貓好可憐,不過好在而家有個好主人

下次周圍去真係要plan好d先得

l.minor said...

largeheadboy:
果日見到好多呢隻花,不過唔知佢叫臭草花,不過真係靚呀!下篇重有d相會post

l.minor said...

卡臣:
好在佢而家有個好主人

l.minor said...

naruto:
聞完真係會頭暈?

l.minor said...

ayclui:
可惜佢唔鍾意我呢~ 惱啤住我!!!

l.minor said...

平帆:
下次一定再去過~不過應該唔會逆行衛奕信徑第三段,因為同行人士未必頂得住

不過我係馬游塘落車時,巳見到有個路牌寫住衛奕信徑,不過我行馬路去

l.minor said...

Him:
以前資訊無咁發達時,我會抄低點去,反而而家懶,用過電話上網search下,就當自己記得,最後又搵唔到想去嘅地方

Maisy said...

啊,原來你想去廢堡,我都睇過平帆那篇,都打算去廢堡啊。

l.minor said...

Maisy:
搵日去啦,我睇相都覺得幾特別架!