關於工作

曾經聽過有舊同事講,人工入邊巳經包括俾老細炳,所以俾人鬧就要預咗,老細唔鬧你,係你嘅bonus兼好彩,所以唔好唔開心,因為人工係要預咗俾人炳。

有d打工仔心態係做得唔開心,就搵工算啦!搵間自己做得開心嘅,不過要搵一間做得開心,又有錢收,我唔否定有一d咁嘅工,不過要搵得到就真係唔容易。

對於舊同事嘅一番說話,我某程度上係認同,最少自己俾老細鬧完,個心會好過小小。至於自己做錯野俾老細炳,係自然不過,我覺得更加唔需要唔開心;但對於意見問題, 做野方法唔同又俾人無端端插兩下,我就真係無名火起,做老細唔聽人意見,人地講咗當聽唔到,再講多次都係當聽唔到,到我選擇封口,又叫你表達意見,表達完又唔滿意,再插再炳,更甚係我只係交代之前開會嘅事,又話唔應該咁做,應該係咁咁咁...其實我只係轉達,而且唔洗咁大聲同我講?

有D野如果係我範圍可以控制,我一定做,唔會呀吱呀咗,但問題D野係我控制唔到,你叫我控制佢,你即係玩我!?

諗番與之前的幾位老細共事,雖然都未必能夠令佢地事事稱心如意,不過我都算知道佢地方向,對我都唔會亂吠,至於而家呢,真係難難難!!!

15 comments:

naruto said...

好似個blog咁,要壞你都控唔到,放鬆啦

l.minor said...

naruto:
多謝呀!放鬆d!

l.minor said...

新鮮人:
唔知點解你篇野我收到email,但就唔見係度出現,我再post番出黎先:

From 新鮮人:
哩樣就係溝通問題了,
我意思不是指你唔識和人溝通,
而係有些人(老闆們)會認為自己大哂,
諗到乜就做乜,
想到乜就係乜,
佢哋根本唔會去理解兩人溝通嘅模式,
只是覺得自己係老闆想點咪點,
而且更加唔會記得自己講過乜做過乜,
係佢個腦裏只是想到嗰刻嘅嘢,
如果遇着啲臭皮氣嘅,
唔單止大大聲, 仲可能會爆粗,
這些都是他們的問題,
不需要放在心裏,
見怪不怪,
當係狗吠算了。

另一方面,
老闆成日唔記得或者好似聽唔到自己講嘢哩個問題,
可能係你和他唔啱channel,
每個人都有自己溝通嘅方式,
我哋做細嘅自然要去理解老闆們嘅channel,
多留意佢嘅思路方式、說說風格、喜歡和timming,
這樣可能會讓你的提議更易進入他的腦裏,
有些人會覺得這是擦鞋或奉迎,
但係不是懷有自私嘅心態,
只是想把事情做好,
這樣做法都是無可口非,
當然要做到這樣不是容易,
不過凡事由觀察開始,
往後總會漸入佳境的,
況且養成這樣的習慣,
對於平時觀察身邊人也有好處,
讓我們可以更加了解周圍的人的想法。

l.minor said...

新鮮人:
多謝你打咁大篇野先(重長過我篇blog)!

我老細其實好怪,平時無野時就好似好地地,有野做要傾時,佢就總會有一d奇奇怪怪嘅想法,總係攪完一大輪都係得過吉。

佢叫我提意見,我講完一次又一次,佢就當聽唔到,又唔回應,跟住佢就叫我唔好唔出聲,提議下點攪,真係唔知佢想點!

之前幾份工,我都跟過唔同老細,有兄弟班型、有智慧型、有超級暴躁型、有實事求事型,總算摸到佢地心諗咩,唔會叫我做東,就走去做西,最記得對住果個超級暴躁型,都無炳過我一次。

今次呢個思路方式,完全係另類,係咪佢錯哂,又唔係喎,不過真係好難服侍

SKII said...

你今次遇上飄忽無定向型!

Ellen老師 said...

我地好D,老世鬧人當佢唱歌啦!佢炒我唔到,哈哈!放鬆!放鬆!

l.minor said...

SKII:
係呀!難攪呀!

l.minor said...

Ellen老師:
唯有放鬆d,下次見佢面色唔好就唔野佢

新鮮人 said...

你老闆應該無定風思考形,
可能有時佢自己都唔知下一刻諗乜,
係好難預計,
我們能做的只有對佢嘅說話唔好太上心,
但一日為官,
還是要繼續推想他的思路,
辛苦你了,
放工就盡量把工作拋磚腦後,
讓自己休息吓吧!

Him said...

你控制唔到就更加唔好無名火起,因為唔係你問題,唔係你錯,係佢地問題,係佢地錯!佢咁對你,你咁嬲,就繼續有誘因俾佢插你。佢地最慘,最弱小最害怕一o的野先走黎插你,唔好中佢地計。

l.minor said...

新鮮人:
多謝你嘅安慰及提點呀

l.minor said...

Him:
多謝呀!下次我會試下當若無其事

平帆 said...

我想有些事老細都知你控制不來,但他罵你可能是指桑罵槐,或純粹發洩一下。唉,磨心就是這樣子的。

Maisy said...

我在舊公司時,d同事成日都講「人工包埋架」呢句,你係新工作?咁要時間適應啊。

l.minor said...

Maisy:
其實唔係新工作,不過佢近來轉了性,又或者我/同事們容忍力小咗~