南丫島初夏

 假期走到南丫島應該是人山人海,所以決定平日去看看,而且今次最想看看一直都錯過了的風車雖說是踏入了五月,天氣卻熱得要命,由索罟灣出發初段還可以,因為總算有樹蔭遮了一點陽光,但開始上山的一段路,基本上是「乾煎」,由十二點行到六點左右才離開南丫島,所以整個人也黑了不少
由涼亭望番去索罟灣,水清沙幼
天色藍藍的
一望無際的海
一路都無緣的風車
由風力發電站落番去時見到嘅蜘蛛網
相比起假日到南丫島,平日遊客的確比較小,但每走一段都總會遇上兩三個遊人,當中還有一些遊客,當中有外國的,還有說普通話的,而且還有一些香港的年青人

印象中,由索罟灣走到榕樹灣,太約一個多小時便走完,但當日上了風力發電站,再加上天氣熱,中途又吃豆腐花,所以也用了三、四個小時

吃過遲了的下午茶後,走到了榕樹灣碼頭, 看到了初夏的黃昏
初夏的黃昏

雲也變得橙色的
不知怎的,突然來了一塊厚厚的雲,太陽卻給遮住了,形成了一個「火燒雲
火燒雲
 就是因為黃昏再加上「火燒雲」,我們遲了兩班船才離開南丫島;後來聽到有一個遲來的「拍友」在打電話,說:「影唔到日落呀!好大舊雲遮住咗呀!

南丫島相集:

28 comments:

SKII said...

好靚呀!我上次去是反方向走,而且錯過了風車,因為同行有多個孩子,沒有走上去。

PoCaRi said...

simple viewer好似幾好用喎~~等我都玩下先~ :)

我就冇去果度食豆腐花, 反而我去左沿途近榕樹灣的一間呀婆豆腐花, 果間食左好多年都覺得係最好味既~~ :P

largeheadboy said...

好好天啊!呢個夏天唔知會熱成點呢?

係啊,喺山頭的一段路確係乾煎啊!

l.minor said...

SKII:
其實當日PoCaRi都有去,不過又係好似妳反方向走,但我咁都撞唔到佢,哈哈!

其實上風力發電站條路都唔算辛苦,太約慢行多20分鐘就到,下次可以去睇睇

l.minor said...

PoCaRi:
本身我想整個Flash嘅album,但想直接攞 Picasa Web Album d相,因為唔洗upload多次,又唔洗分兩度mainten.

但問題係要用php,結果我就用人地provide果個算lu,有時間先再搵個support php server攪

新鮮人 said...

日落的照片拍得很浪漫很有情調,
雲後的太陽帶點含蓄,
(日落不一定淨指個鹹蛋黃呢!)
第一張的"馬尾草"藍天下微紅很清新,
大部份我都很鍾意,
拍得好!
讚!!

l.minor said...

largeheadboy:
初夏巳經熱成咁,七八月真係唔咁想像

而且果日我又無帶遮

l.minor said...

新鮮人:
Thanks!

遲下再吹南風,空氣小d微粒,黃昏應該會更正呀!

第一張"馬尾草"影咗幾張相,影完成身濕哂~因為無遮無掩

平帆 said...

是的,行南丫島不知何故很易曬黑。

下次可以模達灣行去石排灣,果度風景都唔錯。

naruto said...

星期日真係唔可以週圍去,效遊咩,總會有D嘈太,噚日去深水埗,結果我頂唔到發脾四

l.minor said...

平帆:
好呀~不過下次再去唔知幾時lu~

l.minor said...

naruto:
估唔到你都會發皮四!!!

去深水埗買野定影野先?

新鮮人 said...

付出了代價後得到美麗的照片,
也值得呀!

naruto said...

買iphone套,頂唔順,買唔到

Coffee said...

個個都去南丫島,啱架喇!遲啲大興土木就另一番風景lu!

l.minor said...

新鮮人:
值得,值得,等待更熱的日子來臨

l.minor said...

naruto:
其實可以去星際/298睇下

l.minor said...

Coffee:
而家巳經超多人去,下次再計劃去都唔知幾時lu

laulong said...

wow, 劈頭第一張相最靚!

naruto said...

今日去298買左啦,仲有靚妹妹sales幫我痴埋保護貼,我叫佢298樂瞳

l.minor said...

laulong:
我估你鍾意藍色為主

l.minor said...

naruto:
哈哈,298三樓樂瞳?

PoCaRi said...

naruto: 真的嗎???? 快快介紹!!! :P , 如果買埋囡囡既話銅鑼灣地帶都唔錯呀~ 自己用既話好多地方都有, 星際兆萬星光行都有!

Minor: 我最鐘意你支魚, 尤其係風車果張, 正!!

其實南丫島真係幾好行架, 條條路都通之餘都好難蕩失路~如果早D去的話, 仲可以去埋深灣石排灣丫~

l.minor said...

Pocari:
我果枝係DX來的,我有同事買咗FX果枝,居然重要平過DX,幾過份!!!

所以你可以諗諗佢!

Maisy said...

火燒雲好靚啊,支魚都影得靚,尤其三支香果張。
超多人???都成五年無去過了,本來諗住去行下。

l.minor said...

Maisy:
我自己都鍾意火燒雲,平時唔多見(好多時都只係耶誕光),就係因為火燒雲,我遲多兩班船先走

l.minor said...

Maisy:
其實平日去係OK架!星期六日就真係比較多人

Anonymous said...

thanks for share........