開心兩件事

首先琴日放工前,收到公司memo,由今個月開始,每逢有五個星期六的月份,第五個星期六就唔需要返工(公司而家係長短週制度),而原先當日係長週嘅同事,就順延去跟隨嘅星期六,相反一樣。路經Pantry與同事有以下對話,

我:「公司咁安排都好呀~」
同事:「更係好啦!好過無呀!最好就唔洗番!」(佢嘅態度好似我係度講廢話一樣)
我: 「要唔洗返就無望架啦!」

返到位再計計數,原來而家比較起五天工作的人,每年要多返工12日,唉~算啦~人總係得一想二,點都唔滿足!對於我,我真係心足,初初五日半工作,比較起而家,巳經好好的了!

但今朝訓醒覺再諗,嘩!公司有12日annual leave,再減番要多返的12日,咪即係無annual?(好奇怪的想法)


第二樣就係屈咗係心多年嘅錯事/不快事,最近得到釋放,當中真係唔簡單;無論點都好,整件事知道了最後的結果,亦太約知道一切巳安排好,個心不期然放低了,願主繼續祝福。

16 comments:

Ebenezer said...

你屈咗係心多年嘅錯事/不快事,係唔係一直在唔洗返工嘅星期六,On居居走咗去開工?

Him said...

希望你都會有五天工作周 (即係星期六點都唔會番o個個啦)!

Coffee said...

我認同幸福係比較出來嘅!

SKII said...

可以放下鬱咗多年的事,確實係一件開心事,重可以返少啲工,當賺咗囉!

l.minor said...

Eben:
哈哈,咁都俾你知道咗~

l.minor said...

Him:
如果繼續係呢間公司,就應該無望,除非另謀高就啦!

打聽過d老細,佢地都好想五日工作,可惜因為公司job nature同背景,係無望

l.minor said...

Coffee:
認同呀,有時真係要學會知足

l.minor said...

SKII:
感覺如釋重負,真係唔容易,有時好多野係無形,真係要放得低自己先感覺到

返少啲工,真係好開心!

卡臣 said...

值得開心啊

naruto said...

恭喜,多出的星期六,可以影多D靚相

largeheadboy said...

好耐未返過禮拜六
要我返番一定唔慣啊

l.minor said...

卡臣:
Thx~

l.minor said...

naruto:
係呀~多咗幾日,唔去玩都可以俾自己休息下,真唔錯

l.minor said...

largeheadboy:
有d人永遠同星期六唔洗返工無緣,呢個一定係我~

平帆 said...

返半日嗰半日通常都好輕鬆咁過,除咗要早起身外都唔算太慘。

l.minor said...

平帆:
哈哈,雖然係星期六返工係好輕鬆,不過心態上人地唔洗返,自己又要返,就覺得慘,不過我OK的,就好似你講一樣,只係早一d起身