金滿庭

今個星期六、日,連續的兩天到同一間食肆吃午餐,而星期六正當沉思吃什麼午餐的一刻,卻巧遇Ellen老師。

還記得從前經過商場,每間食肆食客都寥寥可數,唯獨是他們門外總是排滿人,要訂坐也要訂一個月後,就算今天這個商場的食肆大都要搬的也搬走了、又或者被迫加租結業,而他們亦是迄立不倒,食客的人數也沒有減退,特別在晚飯時間,門外亦是水洩不通。

他們最吸引我的,不是什麼特別的菜式,而是他們的茶,每次我都會點上人蔘烏龍,那種回甘味道,在口內總會回蕩一段時間。從前,他們的小籠包很有名,因為出名難吃,皮厚、皮熟不透,作為以上海美食主打,卻做出這樣的小籠包實在丟臉,但其他菜式卻又做得不錯;不過今天,他們的小籠包巳經改善很多,雖未至頂級,但也可算是好吃,小籠包的皮巳變得簿很多,不會像在吃麵粉的感覺。

最近他們又新出一個點心 - 粟米餅,用粟米再加粉醬香煎,一碟八小塊,感覺香口而又充滿粟米的香口味,賣$38感覺超值,所以粟米餅也加進了我每次的到來的「必點之選」。

19 comments:

Ebenezer said...

借問聲,呢間野喺邊架?

Ellen老師 said...

奧海城

laulong said...

很多年前常去奧海城,金滿庭常客滿,始終未曾食過!

現在已絕跡此地了。

largeheadboy said...

呢間的確很厲害
永遠都大排長龍

ayclui said...

金滿庭 D 雜費好"搶錢",茶錢, 餐前小食, 加一等等兩個人唔食得嘅都無咗幾十蚊呀~
我通常去札幌或者意粉屋~

SKII said...

你有冇發現,佢連下午茶時間都勁多人(註:不過我唔知佢有冇所謂的“下午茶”優惠,我只係只果段時間),真係唔明點解。不過有一次,終於門口有人等,於是我入咗去食,係星期日晚九點鐘咁上下。但真係冇乜特別喎!

SKII said...

更正,我去果次應該係 ... 門口終於冇人等!

naruto said...

未食過兼未聽過㖭

粟米餅,自己應該做得嚟,試下先

l.minor said...

Eben:
係呀,奧海城呀!

l.minor said...

Ellen老師:
謝謝代答 :D

l.minor said...

校長:
可能以前撞過面都唔出奇喎~

l.minor said...

largeheadboy:
而家都係呀!
價錢又唔平,
但點都係咁多人

l.minor said...

ayclui:
如果午市都ok,都係加茶錢,晚市而家好少去食lu

另外,而家多咗UCC,多一個選擇,再唔係去奧海城三期,試下新野都唔錯,再唔係過大角咀都ok

l.minor said...

SKII:
下午茶食過一次,佢有d SET,$4X-$5x都唔錯,好似一個麵加個點心,免茶錢咁,都算抵嘅

佢人d龍我覺得以前奧海城無咩比較似樣野食,除咗馬泰係比較好食(太大間鋪啦),不過都執咗,其他都巳經係記憶中消失咗

l.minor said...

naruto:
上個星期日晚行過,嚇死,成五六十人係出邊,以為發生咩數

粟米餅都識整,等你開blog

平帆 said...

金滿庭去過一次,印象不錯。無提喺奧海城2期,幾乎已忘掉它,因為有太多差不多名字的食店。

新鮮人 said...

香港人羊群心態,
愈多人嘅地方愈多人去,
龍愈長啲人愈要排,
早前嘅 H&M, 摩斯漢寶, 貢茶.....
還不是如此,
吃過也不外如是,
普普通通罷了。

不過對於"搶錢"手法則好討厭,
未食就先打三十大板,
又唔係有寶,
不會幫襯此種食府!

l.minor said...

平帆:
2期最近改善不少,不過好吃的食物還是外邊比較多

l.minor said...

新鮮人:
哈哈~不過佢地下午只收茶錢是可接受的

晚飯我就比較少吃

其實要排隊排很久的,我都通常不去,排隊時間巳令我無名火起