天光墟

厚厚的雲層遇見閃電

記得中學時代星期日的清早,天還未光帶著籃球途經旺角大球場外,在球場的外邊總是滿佈小販。一架架的貨車停在路旁,裡邊裝滿的全是飼養魚,這個就是專賣魚類的「天光墟」。
旺角難得沒有車、也沒有人
有人喝醉了,鞋也除掉

「天光墟」的意思是午夜或天還未光時,一班為「糊口」的老人家在進行買賣的市場,天一光便會自動清場;而比較出名的,相信是深水埗通州街的「天光墟」,而旺角大球場對出的,是一個專賣飼養魚的「天光墟」。
天光墟啱啱開工

一袋袋的魚巳裝好了
淡水龍蝦$10隻
講解中?還是講價中?
被這位婆婆鬧了幾句
 這個專賣飼養魚的「天光墟」,據稱是專為漁店的人買批發魚,所以價錢特平,但當然買魚亦要大量買,當然遇到病魚的機會亦比較大。當日由於天巳光,只見幾個人用電筒照魚。而係「天光墟」買魚嘅情況就好似去果欄買生果一樣,不過去果欄買一箱半箱生果,都唔會平好多,只可以講係比去街市買新鮮。
買魚的人穿梭天光墟
單行泊滿界限街
七點未夠,人潮像街市

去看「天光墟」其實充滿挑戰,第一日我試圖四點幾起床,最後我用「疑似落雨」叫自己唔好出去;接著的第二日就用「將會落雨」叫自己唔好出去(點知真係落雨),不過我還是出去了,因為不知到何時,「天光墟」張會成為過去式。
最後還是下雨了

18 comments:

新鮮人 said...

咁早超身,
超高難度,
淨係試過讀書年代玩通宵後去逛過一次喳。

Ebenezer said...

我從未去過,因為我最愛瞓覺。

平帆 said...

還以為只得天水圍有天光墟。

我估你用機仔影。如果用單反應該唔會俾婆婆鬧。

naruto said...

我起唔到身,所以個blog只有日落無日出相,呵呵

Armadillo said...

淡水龍蝦仔幾年前喺北京食過,記憶中10蚊應該有一大碟!另外,大箭嘴嗰張如果轉成黑白,又會有唔同味道!

laulong said...

天光墟,是日光下擠出來的生活與生存空間!

largeheadboy said...

咁早起身呀真係
我呢啲懶虫都寧願瞓多陣~

l.minor said...

新鮮人:
用咗兩日先做到,真係頂唔順呀~

l.minor said...

Eben:
應該我都唔會再去了,認真的睇過就算~

l.minor said...

平帆:
其實我用大機影,影完俾佢見到,而且果條路好窄,同一時間只可以1.5個人行,好難影,鏡大長更加出事

l.minor said...

naruto:
下次再影都要諗過先~

l.minor said...

Armadillo:
味道如何呢?似唔似平時咸水嘅味道呢?

另外多謝你分享影相心得,要向你多多學習下

l.minor said...

laulong:
係呀~不過唔知道天光墟可以再廷續幾耐

l.minor said...

largeheadboy:
下次再去都要諗過先

Armadillo said...

北京嘅整法獨沽一味麻辣,根本就食唔啲龍蝦仔本身係乜味。我諗啲淡水龍蝦仔應該係冇乜鮮味,所以先會咁整。另外真係唔使咁客氣喎,千祈唔好講乜嘢學習,其實我係鍾意執相多過影相啫!

l.minor said...

Armadillo:
好呀,大家研究下啦:P

Him said...

我想我十個藉由都不會令自己去。

Anonymous said...

thanks for share........