初試新加坡航空

去新加坡途中
其實新年期間去新加坡package好緊張,左搵右搵之下,新航假期有一種巳confirm機位package(其實即團體票,無得Online Check-in),只要你想訂間酒店有位,就巳經可以confirm個package。

第一次坐新航,有同事問我係咪坐A380,真係Sorry,係唔係嘅!因為A380嘅機係晚機去,早機返,而且個package有冇得坐A380我其實係無留意過,算啦!最緊要有出發就得。

上機坐低一陣,充滿笑容嘅空姐就送上暖熱嘅毛巾嘅我地抹手,真係一讚,讚唔單只係毛巾,重有親切嘅笑容。

再坐多一陣,佢地送上飛機餐Menu,入邊有中西餐選擇,而且Menu入邊有中英文,方便所有乖客,唔似之前我坐開其他航空公司一樣,送到黎先知係食咩野,又或者黎到問你一句chicken or beef?呢d咪係細心,由乖客點出發,又值得一讚!
飛機上午餐


另外,Menu入邊又有drink list,俾你睇下要乜飲,唔係只係插哂d野係架餐車度,又或者走到你面前問你Tea or Coffee?Juice?雖然最後我都只係揀咗d普通野,不過都要讚!
Drink list

之前食親飛機餐都好唔掂,而且重好似越黎越差,對上一次食咗一啖就吸番實個盒,因為d野食有陣臭膠味,連我呢個咩都食落口嘅人都頂唔順;今次新航個餐就唔錯,雞肉滑、三文魚味道亦唔差,讚!
另外,餐具係一set好靚嘅餐具,真係好想擁有一套,不過當然無啦~影衰香港人呀!想食得開心,一套好餐具係唔小得,要讚!


當然機上娛樂唔小得,中、西片、卡通片、飲食節目任睇,之前都想睇奪命金,而家免費有得睇當然唔好執輸。
奪命金播放中


回程時,空姐照舊送上熱毛巾後,就再送上Menu,相信係年初一的關係,Menu係一個專為農曆新年嘅Menu,更加要讚,有心思!
大年初一『迎福進門』Menu
餐點都改咗新春有意頭嘅名,發財魚生迎龍年步步高升鮑魚醬雞、重有雪糕食,讚呀!
中文餐單

呢個就係發財魚生迎龍年,即迷你『撈起
撈起』呀
正餐買相步步高升鮑魚醬雞
步步高升鮑魚醬雞
回程時我好唔客氣叫咗杯新加坡特飲,Singapore Sling,紅色果杯就係,味道似fruit punch
Drink list
總結第一次坐新航經驗,對佢地嘅服務非常滿意。雖然之前訂package時有d誤會發生咗(其實係佢地新航假期果邊嘅問題,唔係新航),但最後佢地都好快攪番掂,有機會再去新加坡,我都應該會再坐新航。

14 comments:

SKII said...

嘩,我好耐冇搭新航了,第一次搭 business class 亦係搭佢,雖然覺得唔錯,但好似冇而家咁吸引呀!!

naruto said...

哇,有兩餐食架?搭幾耐?

平帆 said...

我覺得睇 menu 揀食物原意幾好,但如果多乘客三心兩意,咪要等好耐先排好餐車有得食?

l.minor said...

SKII:
唔會掛?我坐果d係普通機位呀~

l.minor said...

naruto:
其實我張兩餐group一齊寫(去新加坡同返香港)都要搭成3:40架

the inner space said...

Singapore airlines 在很多旅遊雜誌 rank world number ONE! 尤其是商務客。

Singapore girls 即星航空姐穿緊身的 baju kebaya 未必是美女但保證笑容親切!

哈哈哈 我是由 Naruto 處游過來的!

l.minor said...

平帆:
佢地派完menu後,都有一段時間俾人消化下(好似都有15-30分鐘),反而d人點餐飲...好似我咁(果個紅色drink),要d麻煩野,佢地就要走出走入

l.minor said...

the inner space:

歡迎呀!

我返到香港同朋友講,Singapore Airline(新航)好唔錯,同我地香港成日攪罷工果間好大分別(公司令到員工唔開心,事事計到盡,賺客就要賺盡,用員工都要用盡),朋友同你講法一樣,人地係ranking世界number ONE,出事率最低之餘,服務好見稱

另外,你講得好啱,全程無黑面,笑容親切呀!

ayclui said...

新航出咗名好服務啦, 不過好似無得儲asia miles,所以我都係揀CX 囉~

D 飛機餐真係幾OK~

laulong said...

呵呵,正呀正呀!

星航空姐服都好靚!

Ellen老師 said...

我去新加坡3次,3次都係坐新航,so good....

l.minor said...

aychui:
我好鬼渣,新航都係第一次坐,人地出哂名好,我都唔知

l.minor said...

laulong:
係呀,都要讚呀!

題外話,你篇文章係我個fb巳經5個朋友share出黎,真利害

l.minor said...

Ellen老師 :
原來你除咗去日本,都鍾意去新加坡,帶小朋友去,新加坡又真係唔錯嘅~

三次都新航,Good呀!

你個台北行好玩嗎?