大帽山之巔

由大帽山山頂望番落去,感覺似長城
對大帽山的印象是彎多路窄,在大帽山必經之路的荃錦公路上,更是假日騎電單車的人穿梭熱點,不時聽到隆隆的引擎聲飄過。

大帽山山頂雷達站對出
大帽山山高957米,是香港最高的山,比較起第二高的鳳凰山高僅23米(鳳凰山高934米),那比較起香港最高的大樓ICC呢?大帽山高出473米,差不多兩座ICC疊起的高度。


對攝影人來說,最常見在大帽山影星軌、日出,愛其光害少,駕車更可以直達大帽山山頂停車場,能見度高的日子風景巳相當不錯,可以看到錦田一帶的平原,如果有興趣再上更可以徒步再上大帽山山頂。大帽山山頂停車場位處於高度大約750米,步行上山頂只需升高200多米,但沿車路上不需一小時便可「攻頂」成功。
大帽山又彎又曲嘅油柏路

後記:
今次第一次到大帽山「攻頂」,由停車場行上山頂一段很特別,初段天色一般,中段突然大霧起來,能見度唔多過五米,後段時冷時熱,到山頂初時霧仍然濃罩,轉眼又突然藍天,一分鐘後又突然濃霧密佈,感覺有點像電影The Mist(霧地異煞)一樣;落山後,藍天又再出現;大帽山風景引人之外,反而天氣變化更吸引我。
挑戰體力的單車發燒友
漫長嘅油柏路
最大霧的一刻,能見度唔超過五米

大霧到約隱約現
雷達站外睇門口嘅「惡犬」
大霧突然開始散開
又突然開始大霧
更奇怪係突然又再藍天
天氣不斷變化
由山頂行落去一段,霧又突然消散,可以睇到荃灣一帶
天氣變化不定嘅大帽山
落山望出去嘅群山
情侶坐係山邊享受二人世界
另外對於行山人士, 油泊路可能對佢地太輕鬆,由停車場到山頂嘅一段,更有不少「捷徑俾佢地挑戰,如果遇上大霧的日子,難度挑戰即時升級,行得更刺激。
川龍嘅端記

而係荃錦公路旁邊嘅川龍,可以順道去「飲淡茶,食過飽」,位於川龍有兩間茶居,「端記」同「彩龍」,我就只幫襯過「端記」,但相信兩間分別不大,有機會就試下呢類鄉村茶居,香港寥寥可數;要留意佢地沖茶係自助,點心都係自助,營到到下午兩點/三點。

16 comments:

naruto said...

隻狗實風濕

Ebenezer said...

上山搏大霧?俾你搏到啦^^

新鮮人 said...

真係好大霧喎,
不如叫大霧山仲好啦。

平帆 said...

大霧後見到藍天真係好開心!

l.minor said...

naruto:
隻狗重要俾鐵鍊鎖住,想走都走唔到

l.minor said...

Ebenezer:
搏靚景,不過都睇咗陣

l.minor said...

新鮮人:
真係大霧到不得了

l.minor said...

平帆:
係呀,如果好天d就好

the inner space said...

聖華倫泰日快樂!


啊!帶帽山頂很久沒去了,多謝帶起我的回憶!

Him said...

天氣真變幻莫測!

laulong said...

愈高地氣候就愈幻變無方!

沒行山久矣,勾起了些回憶!

ayclui said...

藍天好靚, 大霧驚驚~ (幾押韻~^^)
我都N世無行山啦...

l.minor said...

the inner space:
搵次再去行下啦!

l.minor said...

Him:
遲下好天氣打算再去睇下,會唔會情況一樣

l.minor said...

laulong:
唔去行山,去山腳飲下茶都好,吸收下大自然嘅靈氣

l.minor said...

ayclui:
捉你蝦子餅去行下啦!吸下靈氣,人都爽d