大阪の初見(三)(徐福公園->熊野古道大門阪->那智瀑布->勝浦浦島)

午餐嘅地方
飯後再開始新行程到位於和歌山縣的徐福公園,這個徐福正正是當年,秦始皇命令他去找長生不老的徐福。
徐福公園 - 徐福像

導遊慢慢道出徐福的故事雖不知是真是假,不過這個故事也不錯;要當上成功導遊首要門檻,就是要懂得將沉悶的故事說成有趣,今次這個導遊做到了。他張「徐福故事」串連到日本人的利是 - 白色利是封,雖不知是真是假,但我聽後信了九成(可能我太易騙)。
徐福公園 - 不老の池

公園是中國式建築,上面鋪蓋的是台灣所製造的瓦片,而和歌山縣政府為了推動觀光,所以重新整理徐福墓碑周邊並建造牌坊,再加上徐福也影響日本一點的文化(不詳談了),所以旅行團特意到來(旅行團變了日本文化團?);其實只是順道經過,給我們一個地方休息而宜。
徐福公園


徐福公園外 - 賣柑店
火車軌上

溫暖的陽光打到面上,再加上連續兩日早起,在車上我巳經支持不住...睡到不知時日;一醒巳經到那智山附近的熊野古道 - 大門坡,這段被認為是熊野古道中最人氣的一段。陽光被山群擋著了,所以一出車外,完全感受到什麼是凍,大門坡的一段被又高又大的樟樹包圍著,而最吸引我的,是大門坡對出的馬路,就像頭文字D裡,秋明山的髮夾彎 。
那智山連連不斷嘅彎

在熊野古道再走幾個彎,就是那智瀑布及飛瀧神社,這個瀑布於2004年被列入世界遺產的名冊上。對於我這個香港人,真的有眼不識泰山,這個133米高的大瀑布正是日本第一高的瀑布。由之前熊野古道大門坡不消三十分鐘便可以步行而上。
熊野古道

熊野古道
那智瀑布石級

被稱為全個旅程的重頭戲正要來臨 - 勝浦浦島溫泉酒店。多謝largeheadboy(帥哥)之前給了一段有關勝浦浦島溫泉的節目給我,令我對這酒店有初步了解。這間酒店特別之處,就是要由碼頭坐十分鐘的船才可到達酒店大堂(其實落車的地方與酒店的隔離只是二三百米,基本上可以加條路就可以直達酒店),另外酒店依山而建,由地下大堂到酒店最高的33樓(33樓其實是山頂)有一條像海洋公園的扶手電梯,想直接一點上33樓的話,也可乾脆坐電梯直到仍可。酒店面積其實頗大(如不認路的人,一定會迷路),由33樓到地下大堂,要走十分鐘才走完;而酒店六個溫泉卻分報在酒店的不同角落,所以要享受六個溫泉卻是不易,所以酒店也想出一個小玩意,六個溫泉門外都有一個印章,吸滿六個的話,酒店便會送上一份小禮物(其實是浴鹽,當然也可以直接走到溫泉門外,吸完印便走)。
由停車場行去坐船

去浦島嘅船
見到樣果個就係我地導遊
船一到步,有人打鑼打鼓歡迎我地
勝浦浦島嘅房間

其實再翻看當日的相,發覺相片不多,原因可能不在狀態/還是怕老人家走失/還是只顧溫泉玩樂 。

p.s. 呢篇其實係上年寫好,不過遲遲未出 。。。

11 comments:

the inner space said...

用魚眼鏡廣角鏡又有新意!

naruto said...

頭幾張唔講以為去左台灣


寫埋佢,唔好學大頭咁爛尾呀

largeheadboy said...

歡迎加入爛尾同盟會~ ^^

乜我介紹過啲片畀你咩?完全無印象 lu~

laulong said...

為甚麼是白色利是封?這故事倒吸引啊!

TY said...

係喎.. 我都想知點解係白色利是封喎~~

平帆 said...

沒拍那智瀑布?

l.minor said...

the inner space:
係呀!當時懶得換鏡,好多時只用魚眼鏡影相,有d都幾得意架

l.minor said...

naruto:
都似架!

盡量寫啦~

l.minor said...

largeheadboy:
係呀,當時你整咗條link俾我睇(係亞視TV programme黎),跟住我就對間野清楚哂

l.minor said...

laulong & TY:

據導遊講:

當年秦始皇為咗長生不老,派徐福出去搵長生葯,當中包括五百童男童女,三年糧草,最後徐福去到日本九州等地,當中徐福知道秦始皇兇殘,就算搵到葯返去,佢地成班人都唔會有好下場,所以決定做一場戲去騙秦始皇。

就係咁,只要秦始皇嘅人黎時,一個徐福自編「徐福巳死嘅故事」就會開始,當佢地一見有船到,就會安排一個超大型嘅葬禮,話徐福本人死咗,同一時間佢地為咗要迫真關係,就同當地人(日本土著)講佢地攪緊婚禮,因為中國人習俗會「登」結婚嘅人高興而喊,越喊得勁就代表越「登」對新人開心!如是者,當地人亦「登」佢地好開心!

另人方面,中國人嘅葬禮都會有白紙/溪錢/吉儀之類嘅人,而日本土著因為以為結婚係要有白色/白信封之類,自此佢地亦流傳咗用白色信封做結婚禮封/利是之類嘅野。

註:佢當時講比較講得傳神生鬼,我只係憑梳梳落落嘅記憶組織番,不過當係故仔聽下就算,哈哈!

l.minor said...

平帆:
其實有架,不過我影得唔係太好,所以都影唔到佢嘅神隨;而且當時成日俾人叫咗去影相(影團體相),自己又懶,影完又無返睇番,所以...