圍村盤菜

圍村盤菜
本身對食盤菜嘅興趣不大,但今年(2012)未過兩個月(呢篇2月巳寫好,未得閒整相)巳經食咗三餐。本身對傳統中式食物一向興趣不大,因為唔鍾意食肥膩野同太油嘅食物,肥膩嘅口感令我食得好唔自在。
會場門外
客家炆豬肉
落鹽
去水

頭兩餐盤菜係無得選擇嘅餘地進行,而第三餐卻可以選擇去或唔去,最後我選擇去嘅原因,係想睇下真正嘅盤菜宴,去感受一下盤菜宴嘅氣氛。
百人盛宴
你有你影

由於呢個盤菜宴筵開百席,所以會場安排係鄉村嘅學校球場下進行,場面非常墟
過百圍的盤菜

會場門外安放幾個爐具,用來烹調客家人的豬肉砵,雖然唔係第一次見人用柴來煮食物,但今次再見,感覺仍然新鮮。
柴火煮食

知道當日人多,所以選擇坐的士到會場,的士司機問我地去食盤菜?今次開成百席喎!無想過一百席係戶外食飯嘅情景會係點?但親眼見到原來係好震撼!

大會安排咗舞麒麟同醒獅表演,一向我認定係同一樣野,原來卻係唔同嘅野。知道醒獅有個採青環節,而醒獅隊就加插咗「噴糖」,令到在場小朋友非常開心。
醒獅表演

盤菜開始,台上有歌唱表演同現金抽獎,從來都無抽獎運嘅我當然空手而回,另外原來今次人太多嘅關係,盤菜卻係從另一些專做盤菜嘅鄉村提供,而佢地只親手做客家豬肉砵。
舞麒麟
個個看到聚精會神
醒獅採青

由於人太多,本身接駁村與市區的小巴也應接不下,鄉公所特別安排免費旅遊小巴送食客到公共交通接駁點,否則天黑都未出到外邊。

21 comments:

naruto said...

似係有黑金背景嘅飯局

Coffee said...

好壯觀!人人都可以去食架?幾$一位呀?

TY said...

有無D阿姐著哂登台服唱歌? 上次我比呢D阿姐嚇親...

laulong said...

我都係客家人,以前鄉下都興搞大鍋飯,不過我地唔食盆菜,係分碟分碗上。

平帆 said...

除客家豬肉砵,全部盤菜都外判隔離村,搞呢個大會的機構都好「肥」喎!

~從小框框看世界~ said...

好多人丫~還有舞獅團~
當時一定很熱鬧吧~^^

ayclui said...

最想睇果D (盆菜)唔見嘅?? ^^

Ebenezer said...

上海仔有冇不請自來?

l.minor said...

naruto:
應該無掛~

l.minor said...

Coffee:
聽過$13xx一圍,我就當去見識吓,重要係唔洗我俾錢

l.minor said...

TY:
有呀!有d阿姐著哂登台服,係咁係d枱中間穿梭,因為有利是收,我見到佢地都怕怕

l.minor said...

laulong:
原來你都係客家人,我都係呀

盆菜都係呢十幾年d人傳下傳下,攪到個個都話食盆菜,我自己就麻麻地

l.minor said...

平帆:
其實條村本身好小人,應該都無咁多人手,我見到居然話有成百席真係嚇親

l.minor said...

~從小框框看世界~:

當時真係好熱鬧,而且當時正席農曆新年,氣氛很好

l.minor said...

ayclui:

又係喎,都唔記post盆菜相,要搵搵先

l.minor said...

Ebenezer:

上海仔應該唔見,不過客家仔應該好多

the inner space said...

黑金滲入到圍村盆菜,
民建興聯蛇齋盆餅糉。
接受唔到圍埋吃盆菜,
只會吃一人一煲火窩。

Anonymous said...

更正!

黑金滲入到圍村盆菜,
民建聯“興”蛇齋盆餅糉。
接受唔到圍埋吃盆菜,
只會吃一人一煲火窩。


sPace

新鮮人 said...

我未食過盆菜,
不過覺得會是很有傳統特色的東西,
希望有機會試一次!

相片的色調很"藍"很"灰",
給人的感覺有點心怪!

l.minor said...

the inner space:
同我同圍個d都係屋企人,所以就無咩所謂,不過我都係當去見識下,下次再去都要諗過先

l.minor said...

新鮮人:
我都係第一次食呢種盆菜,感覺特別

今次d色調"特別"調過,我想俾人覺得淡色,舊一點的感覺,成唔成功呢?

你真細心,睇得出色調唔同咗